రాత్రిపూట ఇవి తింటే ఆయుష్షు తగ్గిపోతుందట!

పుట్టిన ప్రతి జీవి గిట్టక తప్పదు. అలాగే జనన మరణాలు ఎవరి అధీనంలోనూ ఉండవు. అయితే ఆయు:ప్రమాణం పొడిగింపు మాత్రం వ్యక్తుల చేతుల్లో ఉంటుంది. మానవులు తెలియక చేసిన చిన్న చిన్న తప్పుల వల్ల ఆయువు క్షీణించిపోతుంది. గరుడ పురాణం ప్రకారం ఈ ఐదు అంశాల వల్ల మానవుడి ఆయుష్షు గణనీయంగా తగ్గిపోతుంది.

పెరుగు వల్ల అనేక ఆరోగ్య ప్రయోజనాలు ఉన్నాయి. కానీ రాత్రిపూట పెరుగు తినడం వల్ల అనేక రోగాలు వస్తాయి. ముఖ్యంగా ఉదర సంబంధ సమస్యలు అధికమవుతాయి. కాబట్టి రాత్రిపూట పెరుగు తీసుకోవద్దని ఆయుర్వేదం సూచిస్తుంది. అలాగే రాత్రి భోజనం ముగించిన వెంటనే కొందరు నిద్రకు ఉపక్రమిస్తారు. ఇలా చేస్తే ఒకవేళ భోజనంతో పెరుగు తీసుకుంటే జీర్ణక్రియ మందగిస్తుంది. దీంతో తీవ్రమైన దుష్ప్రభావాలు ఎదురువుతాయి.

నిలువ ఉంచిన మాంసం వల్ల కూడా ఆయు:ప్రమాణం తగ్గిపోతుంది. నిల్వచేసిన మాంసంపై బ్యాక్టీరియా, వైరస్‌లు అధికంగా చేరుతాయి. ఇలాంటి మాంసాన్ని తింటే దీని ద్వారా బ్యాక్టీరియా, వైరస్‌లు శరీరంలోకి ప్రవేశిస్తాయి.

ఉదయం పూట ఆలస్యంగా మేల్కొనే వారికి కూడా ఆయుష్షు తగ్గిపోతుందట. ఎందుకంటే ఉదయం పూట గాలిలో స్వచ్ఛత ఉంటుంది. కాబట్టి ఉదయం త్వరగా మేల్కొంటే స్వచ్చమైన గాలి వల్ల కొన్ని అనారోగ్య సమస్యలు చాలా వరకు సహజంగానే తగ్గుతాయి. ఒకవేళ ఆలస్యంగా మేల్కొంటే కలుషితమైన గాలి వల్ల తరచూ అనారోగ్యం బారిన పడతారు.

శ్మశానానికి వెళితే అక్కడ నుంచి వచ్చేయాలి. ఈ పరిసరాల్లో గాలి కలుషితమవడమే కాదు, మృతదేహాల నుంచి వచ్చిన బాక్టీరియా కూడా చుట్టుపక్కల వ్యాపిస్తుంది. దీని వల్ల ఆరోగ్య సమస్యలు ఎదురవుతాయి.

తెల్లవారుజామున శృంగారంలో పాల్గొంటే ఆయుష్షు తగ్గిపోతుందట. వేదాల ప్రకారం తెల్లవారుజామును బ్రహ్మ ముహూర్తంగా పరిగణిస్తారు. ఇది యోగా, వ్యాయాలు, దైవారాధనకు అనుకూలం. ఇలాంటి సమయంలో శృంగారంలో పాల్గొంటే వ్యాధినిరోధక వ్యవస్థ బలహీనమవుతుంది. రోగనిరోధక వ్యవస్థ బలహీనమైతే వ్యాధులు అధికమవుతాయి.