రాత్రిపూట పీడకలలతో ఇబ్బంది పడుతున్నారా అయితే...

రాత్రి పడుకునేటప్పుడు కలలు కనడం సహజం. అయితే సాధారణమైనవే కాదు, కొన్ని భయంకరమైన పీడకలలు కూడా వస్తాయి. ఇలాంటి వాటితో జనం భయపడతారు. ఇలాంటి కలలు వస్తే ఎమవుతోందనని కలవరపడతారు. దీంతో చాలా మంది రాత్రిపూట నిద్రపోకుండా జాగారాలు చేస్తుంటారు కూడా.

కొన్ని కలలతో అసౌకర్యం, ఆత్రుత, చికాకు, భయం, వ్యాకులత లాంటివి చోటుచేసుకుంటాయి. కలలో అస్థిపంజరాలు, శవాలు, ఆత్మలు లాంటి భయంకర దృశ్యాలు
రోజూ కనపడితే ఆరోగ్యానికి హాని చేస్తాయి. ఇది మానసిక, ఉద్వేగ అస్థిరతకు దారితీసి నిద్రలేమి లేదా మిగతా భయాలకు కలిగిస్తుంది. అయితే వీటిని పరిష్కారించుకోడానికి ప్రయత్నించాలి. చిన్న చిట్కాలను పాటించడం ద్వారా వాటి భారినుంచి బయటపడొచ్చు.

అస్థిపంజరాలు, శవాలు, శ్మశానంలో బూడిద తరచూ కలలో కనబడితే సంప్రదాయం ప్రకారం ఇంటిలో ప్రక్షాళన నిర్వహించాలి. వీటిలో ముఖ్యమైంది దుర్గాపూజ. బ్రాహ్మణులను రప్పించి దుర్గాదేవి మంత్రాన్ని 51 లేదా 101 సార్లు వారితో జపం చేయించాలి.

భయంకరమైన పీడకలలతో ఇబ్బందు పడే వ్యక్తులు సుందరకాండ లేదా హనుమాన్ చాలీసా రోజు పఠనం చేయాలట. అలాగే హనుమాన్ ఆలయానికి వెళ్లి ఆంజనేయుడిని ప్రార్థించి, సింధూరాన్ని తిలకంగా దిద్దుకోవాలి. అంతే కాకుండా వస్త్రాలను భైరవుడు లేదా హనుమంతుడికి సమర్పించాలట.

పడుకునేటప్పుడు ఇత్తడి పాత్రలో నీళ్లు పోసి మంచం కింద లేదా గదిలో ఉంచాలి. వంటగది ప్రవేశం దగ్గర ప్రమిదలో నూనెతో దీపం వెలిగించి, సింధూరాన్ని అక్కడ ఉంచాలి. ఆ దీపం కొండెక్కిన తర్వాత సింధూరాన్ని బొట్టు పెట్టుకోవాలట.

కోపం, ఆందోళన జీవితంలో ఒక భాగమే. అయితే నిద్రపోయేటప్పుడు ఎలాంటి ఒత్తిడి దరిచేరనీయరాదు. దీని వల్ల మానసిక ఆరోగ్యం పాడవడమే కాదు, పీడకలలకు కూడా హేతువుగా మారతాయి. సుఖనిద్ర అన్ని సమస్యలను దూరం చేస్తుందని గుర్తించుకోండి.

నిద్రపోయే సమయంలో ప్రశాంతంగా ఉండటానికి మనసుకు ఉల్లాసానిచ్చే సంగీతం, మంచి పుస్తకాలకు చదవడం అలవాటు చేసుకోండి. అలాగే వేడి నీటితో స్నానం చేసి నిద్రపోతే కొంత ఉపశమనం కలుగుతుంది.

భయంకరమైన వీడియోలను, చిత్రాలను పడుకునే ముందు చూడవద్దు. వీటిని చూడటం వల్ల పీడకలల కనే అస్కారం ఉంటుంది.

రాత్రిపూట తేలికైన ఆహారం తీసుకోవాలి. నూనె తక్కువగా ఉన్న పదార్థాలను ఆహారంలో చేర్చుకోవాలి. మసాలతో కూడిన ఆయిల్ వంటకాలతో శరీరంలో కొవ్వు నిల్వలు పెరిగడం వల్ల ఒత్తిడికి కారణమవుతుంది. దీంతో పీడకలలు కంటారు.

తక్కువ స్థాయిలో ఆల్క్‌హాల్‌ తీసుకోవాలి. మోతాదుకు మించి మద్యం తీసుకుంటే స్వీయ నియంత్రణ కోల్పోతారు.

ధ్యానం ద్వారా చక్కని ఆరోగ్యం సొంతమవుతుంది. మెరుగైన జీవన విధానానికి ధ్యానం కంటే సరైన నివారణ లేదు.

యోగాతోపాటు రోజూ కొంత దూరం నడక అలవాటు చేసుకోవాలి. ప్రకృతిని ఆస్వాదిస్తూ ఒంటరిగా ఉంటే మానసిక ప్రశాంతత కలుగుతుంది.