ఈ ప్రముఖ ఆలయాల నిర్మాణం ఒక్క రాత్రిలోనే ఎలా సాధ్యం?

భారత ఉప ఖండం మొత్తం దేవాలయాలతో నిండిపోయి ఉంది. ప్రతి కొన్ని మైళ్ల దూరానికి చిన్నదో, పెద్దదో ఆలయం కొలువుంది. హిందూ పురణాల ప్రకారం కొన్ని దేవాలయాలు అత్యంత పురాతనమైనవి. అంతే కాదు వీటిలో కొన్నింటిని ఒక్క రాత్రిలో నిర్మించారట. ఆలయాలను నిర్మించాలంటే చాలా ఏళ్లు శ్రమించాల్సి ఉంటుంది. వీటిని ఒక్క రాత్రిలోనే నిర్మించడం ఆషామాషీ కాదు.

ఉత్తర్‌ప్రదేశ్‌లోని బృందావ‌నంలో కృష్ణుడు కొలువుండే గోవింద దేవ్ జై మందిరాన్ని ఒక్క రాత్రిలో నిర్మించారట. ఈ ఆలయం కృష్ణ లీల గురించి తెలియజేస్తుంది. దేవతలు, రాక్షసులు కలిసి ఈ ఆలయాన్ని నిర్మించినట్లు పురాణాలు పేర్కొంటున్నారు. దగ్గరగా చూస్తే ఇది అసంపూర్తి నిర్మాణంగా కనిపిస్తుంది. ఆలయ నిర్మాణం జరగుతుండగా ఏదో అలికిడి రావడంతో తమ ఉనికి బయటపడుతుందని దేవతలు దీన్ని అర్థాంతరంగా వదిలిపెట్టారనే కథలు ప్రచారంలో ఉన్నాయి.

ఉత్తరాఖండ్‌లోని పిత్తోర్‌గఢ్‌లో హతియా దేవల్ ఆలయంలో శివలింగం దక్షిణాభిముఖంగా ఉంటుంది. ఈ శివాలయాన్ని కూడా ఒక్క వ్యక్తి ఒక్క రాత్రిలోనే నిర్మించాడట.

మధ్యప్రదేశ్‌లోని భోజేశ్వర్ మందిరాన్ని ద్వాపర యుగంలో పాండవులు నిర్మించారట. దీనికి వారి తల్లి కుంతి కూడా సాయపడిందట.

మధ్యప్రదేశ్‌లోని మౌరైనా ప్రాంతంలోని కాకన్మమఠ్ ఆలయాన్ని కూడా శివుని భక్తులైన రాక్షసులు ఆధ్వర్యంలో నిర్మాణం జరిగిందట. ఒక రాత్రిలో జరిగిన ఈ ఆలయ నిర్మాణంలో ఎలాంటి సున్నంగానీ, సిమెంట్ వాడలేదట.

ఝార్ఖండ్‌లోని దేవగడ్ మందిరాన్ని విశ్వకర్మ నిర్మించాడని ప్రతీతి. ఒకే రాత్రిలో నిర్మాణం జరిగిన వీటిలో పార్వతి దేవి మందిరం అసంపూర్తిగా ఉండిపోయింది. అలాగే చుట్టూ ఉండే విష్ణు, బైద్యనాథ్ ఆలయాలు కూడా చాలా చిన్నవి. అయితే జ్యోతిర్లింగాల్లో ఒకటైన బైద్యనాథ్ ఆలయం కూడా ఒక రాత్రిలోనే నిర్మాణం జరిగిందట.