యాప్నగరం

Good Qualities of Lord Rama శ్రీరాములోరి ఈ గుణాలను అలవర్చుకుంటే లైఫ్ లో సులభంగా సక్సెస్ సాధించొచ్చు...

Good Qualities Lord Rama శ్రీరాముడిలోని కొన్ని లక్షణాలను మనమూ ఫాలో అయితే లైఫ్ లో కచ్చితంగా సక్సెస్ సాధించొచ్చు. ఈ సందర్భంగా శ్రీరాముడు ఎలాంటి గుణాలను అలవర్చుకున్నాడు.. తన నుండి మనం ఏయే లక్షణాలను అలవర్చుకోవాలనే ఆసక్తికరమైన విశేషాలను ఇప్పుడు తెలుసుకుందాం...

Authored byఎస్.వెంకటేష్ | Samayam Telugu 24 Jan 2024, 11:24 am
Good Qualities Lord Rama హిందూ పురాణాల ప్రకారం శ్రీరాముడు గొప్ప నాయకుడు, ఏక పత్నీ వ్రతుడు. సీతమ్మ కోసం లంకాధిపతి అయిన రావణుడితోనే యుద్ధం చేశాడు. సీతాదేవిని క్షేమంగా తీసుకొచ్చిన పురుషోత్తముడు. అంతేకాదు అత్యంత నీతిమంతుడు.. నిజాయితీపరుడు. శ్రీరాముని కొన్ని గ్రంథాలలో పురుషోత్తమ అని పిలుస్తారు. శ్రీరాముడు ఎల్లప్పుడూ సత్యం, ధర్మం వైపే అడుగులు వేసేవారు. తల్లిదండ్రుల మాటకు కట్టుబడి తనకు జరగాల్సిన పట్టాభిషేకాన్ని సైతం పక్కనబెట్టి అడవి బాట పట్టిన త్యాగమూర్తి రాముడు. అంతేకాదు శ్రీరాముడు సత్యానికి ప్రతీకగా.. ఆదర్శ పుత్రుడిగా, గొప్ప భర్తగా.. అన్నింటికంటే ముఖ్యంగా అద్భుతమైన రాజుగా పేరు తెచ్చుకున్నట్లు శాస్త్రాల ద్వారా తెలుస్తోంది. ఈ నేపథ్యంలో శ్రీరాముడిలోని కొన్ని లక్షణాలను మనమూ ఫాలో అయితే లైఫ్ లో కచ్చితంగా సక్సెస్ సాధించొచ్చు. ఈ సందర్భంగా శ్రీరాముడు ఎలాంటి గుణాలను అలవర్చుకున్నాడు.. తన నుండి మనం ఏయే లక్షణాలను అలవర్చుకోవాలనే ఆసక్తికరమైన విశేషాలను ఇప్పుడు తెలుసుకుందాం...
Samayam Telugu these good qualities lord rama that everybody should learn in telugu
Good Qualities of Lord Rama శ్రీరాములోరి ఈ గుణాలను అలవర్చుకుంటే లైఫ్ లో సులభంగా సక్సెస్ సాధించొచ్చు...


​సహనం, ధైర్యం..

శ్రీరాముడు ఏ సందర్భంలో అయినా పూర్తి సహనంతో ఉంటాడు. అప్పుడే ప్రతి సమస్యకూ పరిష్కారం దొరుకుతుందని నమ్మేవారు. 14 సంవత్సరాల వనవాసాన్ని ఓపికగా పూర్తి చేసిన శ్రీరామునికి సంబంధించిన ఈ గుణాన్ని పొందితే మీరు జీవితంలో కచ్చితంగా విజయం సాధిస్తారు. అలాగే ఎల్లవేళలా ధైర్యంగా ఉండాలి. ఏ మాత్రం వెనుకంజ వేయకూడదు.

Garuda Purana గరుడ పురాణం ప్రకారం, ఈ తప్పులు చేస్తే వచ్చే జన్మలో ఎలా పుడతారో తెలుసా...

​దయా గుణం..

శ్రీరాముడు జాలి, దయ స్వభావాలను కలిగి ఉండేవాడు. రాజు హోదాలో ఉన్నప్పటికీ అందరి పట్ల దయ, కరుణమయ భావాన్ని కొనసాగించాడు. తన సోదరునికి రాజ్యాన్ని కట్టబెట్టడం, శబరి ప్రసాదించిన పండ్లను ప్రేమతో, గౌరవంతో తినడం వంటి గుణాల్లో శ్రీరాముని దయ గురించి తెలుసుకోవచ్చు.

​స్నేహపూర్వకంగా..

14 సంవత్సరాల పాటు అడవిలో అజ్ఞాతవాసంలో ఉన్నప్పటికీ, శ్రీరాముడు అక్కడ కలుసుకున్న ప్రతి ఒక్కరితోనూ స్నేహపూర్వకంగా మెలిగాడు. తనను కలిసిన విభీషణుడైనా, సుగ్రీవుడైనా అందరికీ సాదరంగా స్వాగతం పలికేవాడు.

​వాస్తవాలే మాట్లాడాలి..

శ్రీరాముని జీవితంలో ఏ సమయంలోనూ అబద్ధం చెప్పలేదట. అయితే ప్రస్తుతం మనలో చాలా మంది చాలా సందర్భాల్లో అబద్ధాలను అవలీలగా చెప్పేస్తున్నారు. రోజుకు కనీసం ఒకసారైన అబద్ధాలను చెప్పడం.. వాటిని కప్పిపుచ్చుకునేందుకు మరిన్ని అబద్ధాలు చెబుతూనే ఉన్నారు. అయితే ఒక్కసారి వాస్తవం మాట్లాడితే అబద్ధం అవసరం అనేది ఉండదన్న విషయాన్ని దాదాపు అందరూ మరచిపోతున్నారు.

​ఏదీ ఆశించకుండా..

శ్రీరాముని జీవితంలో ఎవ్వరితోనూ అమర్యాదగా మాట్లాడలేదు. అసభ్యంగా ప్రవర్తించలేదు. ఎంత కోపం వచ్చినా నియంత్రించుకునేవారు. అయితే ప్రస్తుతం తరం వారిలో అలాంటి లక్షణాలు చాలా తక్కువని చెప్పడంలో ఎలాంటి అతిశయోక్తి లేదు. కాబట్టి ఈ అలవాటును ఎంత త్వరగా వీలైతే అంత వేగంగా మానేస్తే మీరు ఉత్తమ ప్రయోజనాలను పొందుతారు. అదేవిధంగా ఎవరితోనైనా చిరునవ్వుతో మాట్లాడుతూ సంభాషణను ప్రారంభించాలి.

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.


Read Latest Religion News and Telugu News

రచయిత గురించి
ఎస్.వెంకటేష్
ఎస్.వెంకటేష్ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ప్రతిరోజూ ఆస్ట్రాలజీ, ఆధ్యాత్మిక రంగాలకు సంబంధించి కొత్త విషయాలను, మిస్టరీలను, ప్రత్యేకమైన సమాచారాన్ని అందిస్తారు. తనకు జర్నలిజంలో 8 ఏళ్లకు పైగా అనుభవం ఉంది. ఇప్పటివరకు ప్రముఖ మీడియా సంస్థల్లో వార్తలు, క్రీడలు, ఫీచర్స్, లైఫ్‌స్టైల్(జీవన శైలి)కు సంబంధించిన సమాచారాన్ని అందించారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.