ఈ ఆభరణాలను కేవలం పురుషులే ధరించాలట!!

ఆభరణాలు అనేవి కేవలం మహిళలకు చెందినవి. స్త్రీలతో పోల్చుకుంటే పురుషుల మనస్తత్వం ఏమంత సున్నితం కాదు. కాబట్టి వీరిపై నెగెటివ్ ఎనర్జీ అంత తొందరగా ప్రభావం చూపదు. అందుకే మగవాళ్లు ఆభరణాలు ధరించాల్సిన అవసరం లేదు. అందుకే ఆభరణాలంటే పురుషలకు మోజు ఉండదు. అయితే పురుషులు ధరించాల్సిన కొన్ని గుర్తులను గురించి పురాణాల్లో పేర్కొన్నారు.

హిందూ పురాణాల ప్రకారం పురుషుల ధరించే ఆభరణాల్లో ముఖ్యమైంది కిరీటం. పూర్వ కాలంలో వీటిని ప్రత్యేకంగా రాజులు ధరించేవారు. బంగారంతో తయారు చేసిన కిరీటం దేవతలను ఆకర్షిస్తుంది. దీని వల్ల దేహాం తేజోమయం అవుతుంది. అంతే కాకుండా శరీరంలోకి శక్తి ప్రసరించి నిరంతరం చురుకుదనం ఉంటుంది. అలాగే అపారమైన విఙ్ఞానంతోపాటు దైవత్వాన్ని కూడా పొందుతారు. దైవత్వంలో కారణంగా అన్ని సందర్భాల్లోనూ సరైన నిర్ణయాలు తీసుకోడానికి అవకాశం ఉంటుంది. కిరీటంలో ఉండే విలువైన రాళ్ల ప్రభావంతో దేవతలు ప్రసన్నమవుతారు.

పురాణాల్లో కర్ణాభరణాలను కుందళ అని పేర్కొన్నారు. వీటిని చెవి నిర్ణీత భాగంలో ధరిస్తే స్పష్టమైన వైఖరులు అలవడతాయి. చెవి పై భాగంలో ధరించే దాన్ని బికాబలి అంటారు. ఏడు లేక ఎనిమిది దశాబ్దాల కిందట ఇది ఎక్కువ ప్రజాదరణ పొందింది. బంగారంతో తయారు చేసిన దీన్ని పురుషుల చెవికి పైభాగంలో ధరిస్తే నిగ్రహ శక్తి అధికమవుతుంది.

రుద్రాక్షలతో తయారు చేసిన దండలను పురాణ కాలంలో రుషులు తమ మెడలో ధరించేవారు. రుద్రాక్ష మాలలను నిర్దిష్ట ప్రాంతంలో ధరించడం వల్ల శరీరానికి శక్తితోపాటు ప్రేరణ కలుగుతుంది. ఈ రోజుల్లో కొందరు రుద్రాక్షలను ధరించి మంచి ఆరోగ్యం పొందుతున్నారు.