Ugadi Panchangam 2023 ఉగాది రోజే పంచాంగ శ్రవణం చేయడానికి గల కారణాలేంటో తెలుసా...

Ugadi Panchangam 2023 తెలుగు రాష్ట్రాల ప్రజలకు ఉగాది పండుగ అంటేనే టక్కున గుర్తొచ్చేది ఉగాది పచ్చడి, పంచాంగ శ్రవణం, కొత్త ఏడాది జాతకం.. తెలుగు క్యాలెండర్ ప్రకారం, ఉగాది పండుగ నుంచే నూతన సంవత్సరం ప్రారంభమవుతుంది. ఈ నేపథ్యంలో ఈ ఏడాది మార్చి 22వ తేదీన బుధవారం నాడు శ్రీ శోభకృత్ నామ సంవత్సర ఉగాది పండుగను జరుపుకోనున్నారు. అందుకే ఉగాది పండుగ అయిన తొలిరోజున ఆలయాల్లో లేదా ఏదైనా ఆధ్యాత్మిక ప్రాంతాల్లో పండితులు పంచాంగ శ్రవణ కార్యక్రమాలను నిర్వహిస్తారు. ఈ సమయంలో వచ్చే ఏడాది వరకు తమ రాశి ఫలాలు, గ్రహాల స్థితులు ఎలా ఉన్నాయి.. ఏమైనా దోషాలుంటే నివారణలు తెలుసుకుంటారు. ఇదిలా ఉండగా.. ఉగాది పండుగ రోజే పంచాంగ శ్రవణం ఎందుకు చేయాలి.. అందుకు గల కారణాలేంటో ఇప్పుడు తెలుసుకుందాం...

తెలుగు పంచాంగ శ్రవణంలో భాగంగా పంచ అంగాలైన తిథి, నక్షత్రం, వారం, యోగం, కరణం వంటి వాటిని పక్కాగా లెక్కిస్తారు. వీటి ఆధారంగానే భవిష్యత్తులో జరగబోయే విషయాలను ఊహించి చెబుతారు. ఇందులో తిథి ఆదాయాన్ని, వారం ఆయువును, నక్షత్రం పాపప్రక్షాళనను, యోగం వ్యాధి నివారణలను, కరణం పవిత్ర గంగానదిలో చేసినంత పుణ్యఫలాన్ని అందిస్తుందని చాలా మంది నమ్ముతారు. వీటితో పాటు కొత్త ఏడాదిలో ఎంతమేరకు వర్షం కురుస్తుంది.. పంట పొలాల పరిస్థితులు, ఏరువాక కార్యక్రమం ఎలా ఉంటుందనే వివరాలతో రైతులకు ఎంతో ప్రయోజనకరంగా ఉంటుంది.
Simha Rasi Ugadi Rasi Phalalu 2023-24 ఉగాది తర్వాత సింహ రాశి వ్యక్తులు అన్ని రంగాల్లోనూ సక్సెస్ సాధిస్తారు...!

పంచాంగాలో రెండు రకాలుంటాయి. అందులో ఒకటి దృక్. రెండోది వాక్. వీటిలో ఖగోళ వస్తువులకు సంబంధించిన వాస్తవ పరిస్థితులను నిర్ణయించేటప్పుడు మొదటి దాన్ని అంటే దృక్ పంచాంగాన్ని వాడతారు. జ్యోతిష్యశాస్త్రం ప్రకారం, గ్రహాల స్థానాల మార్పులను నిర్ణయించడానికి వాక్ పంచాంగాన్ని ఉపయోగిస్తారు.
పంచాంగ శ్రవణం ఎందుకంటే..
పురాణాల ప్రకారం, పంచాంగ శ్రవణం అంటే కేవలం భవిష్యత్తు గురించి తెలుసుకోవడం మాత్రమే కాదు.. శ్రీ మహా విష్ణువు అయిన కాల పురుషుడిని గురించి తెలుసుకునేందుకు.. తనను గౌరవించేందుకు పంచాంగ శ్రవణం చేస్తారు. భగవంతుని సమయాన్ని లేదా కాలపురుషుడిని పూజించడం అంటే తనకు నివాళులు అర్పించినట్టే అని భావిస్తారు. ఆధ్యాత్మిక పరంగా, మన కర్మ ఫలాలను బట్టి మనకు ఫలితాలొస్తాయి. సమయాన్ని, కర్మ ఫలితాలను ఇచ్చే దైవానుగ్రహం పొందడానికి పంచాంగ శ్రవణం అనేది మనకు సహాయపడుతుంది.

ప్రతి ఒక్కరి జాతకంలో మన కర్మఫలాల గురించి పూర్తి వివరాలు ఉంటాయి. పూజలు, పరిహారాలు, కర్మయోగం, దోషాల ప్రభావాలను తగ్గించుకోవడానికి ఉపయోగపడతాయి. ఉగాది రోజున మనం తినే పచ్చడిలో ఆరు రుచులు మన జీవితానికి సంబంధించిన ముఖ్యమైన విషయాలను వివరిస్తాయి.

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.

Read Latest Religion News and Telugu News