ఆదివారం(Sunday)..
ఆదివారం రోజున సూర్యభగవానుడికి అంకితమివ్వబడింది. ఈ నేపథ్యంలో సంప్రదాయం ప్రకారం, ఈ పవిత్రమైన రోజున భానుడి అనుగ్రహం పొందడానికి మహిళలు కెంపులు, కమ్మలు, హారాలు ధరించాలి.
Ayyappa Swami Irumudi అయ్యప్ప స్వామి ఇరుముడిలో ఉన్న ఆంతర్యాలేంటో తెలుసుకుందామా...
సోమవారం(Monday)..
జ్యోతిష్యశాస్త్రం, పురాణాల ప్రకారం సోమవారం పరమేశ్వరుడికి అంకితమివ్వబడింది. అయితే ఇదే రోజున చంద్రుడికి కూడా ప్రత్యేక పూజలు నిర్వహిస్తారు. అందుకే సోమవారం నాడు చంద్రుడి అనుగ్రహం పొందడానికి స్వర్ణంతో చేసిన హారాలు, గాజులను ధరిస్తారు.
మంగళవారం(Tuesday)..
జ్యోతిష్యశాస్త్రం ప్రకారం, మంగళవారం నాడు అంగారకుడి(కుజుడి) ప్రభావం ఎక్కువగా ఉంటుంది. ఈ రోజున అంగారకుడి అనుగ్రహం పొందడానికి పగడాల దండలు, ఉంగరాలు ధరించాలి.
బుధవారం(Wednesday)..
ఈరోజున బుధుడి ప్రభావం ఎక్కువగా ఉంటుంది. కాబట్టి బుధుడి ఆశీస్సులు పొందడానికి పతకాలు, గాజులను కచ్చితంగా ధరించాలి.
గురువారం (Thursday)..
ఈ పవిత్రమైన రోజు గురు దేవులకు, గురు గ్రహానికి అంకితం ఇవ్వబడింది. ఈ సందర్భంగా వారి అనుగ్రహం పొందడానికి పుష్య రాగం, కమ్మలు, ఉంగరాలు ధరించడం ఆనవాయితీగా వస్తోంది.
శుక్రవారం(Friday)..
జ్యోతిష్యశాస్త్రం ప్రకారం శుక్రవారం రోజున శుక్రుడి ప్రభావం ఎక్కువగా ఉంటుంది. ఈ నేపథ్యంలో వజ్రాల హారాలు, ముక్కుపుడకలను కచ్చితంగా ధరించాలని నిపుణులు చెబుతున్నారు.
శనివారం(Saturday)..
ఈరోజున శని దేవుని ప్రభావం పడకూడదంటే నీలమణి హారాలను ధరించాలి.
ఇలా ఏడు రోజుల పాటు ఏడు వారాల నగలను ధరించే ఆచారాలు, కట్టుబాట్లు, సంప్రదాయాలు మన పూర్వీకుల నుంచి ఆనవాయితీగా వస్తోంది. రాజుల కాలంలో కేవలం మహారాణులు, పట్ట మహిషులు మాత్రమే వీటిని ధరించేవారు. అయితే కాలానికి అనుగుణంగా కొందరు దేవుతల అనుగ్రహం పొందేందుకు స్వర్ణకారులతో కొత్తవాటిని తయారు చేయిస్తున్నట్లు సమాచారం.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
- Read Latest Religion News and Telugu News