జీవితంలో సంతోషం, విజయం పొందాలంటే...

దుష్ట శిక్ష, శిష్ట రక్షణ కోసం భగవంతుడు వివిధ సందర్భాల్లో వివిధ రూపాల్లో అవతరించినట్లు పురాణాల్లో పేర్కొన్నారు. జనులను రక్షించడానికి శ్రీహరి దశావతారాలను ధరించి భూమిపై అవతరించాడు. వీటిలో కొన్ని జంతు రూపాలు కూడా ఉన్నాయి. అవే మత్స్య, కూర్మ, వరాహ, నరసింహా అవతారాలు. త్రిమూర్తుల్లో ఒకరైన శ్రీహరి మాత్రమే భూమిపై మానవ రూపం జన్మించాడని అంటారు. దేవతలందరితోనూ పూజలందుకునే శ్రీమహావిష్ణువును భక్తితో పూజించిన వారికి వరాలు ప్రసాదిస్తాడు.

మహావిష్ణువును పూజించడం వెనుకున్న ప్రాముఖ్యత, ప్రాధాన్యతను బ్రహ్మ వైవర్తన పురాణం తెలియజేస్తుంది. దేవతలలో అత్యంత శ్రేష్ఠుడైన శ్రీహరికి గురువారం చాలా ప్రీతికరమైంది. ఆరోజున విష్ణువును పూజిస్తే సకల శుభాలు చేకూరుతాయి. కానీ శ్రీమన్నారాయణుడి ముందు రోజూ దీపం వెలిగించడం వల్ల ఎలాంటి హాని జరగదు. శ్రీమహావిష్ణువు ముందు రోజు దీపం వెలిగించడం వల్ల జీవితంలో సంతోషం, విజయం ఎల్లప్పుడూ మీ చెంతనే ఉంటాయని బ్రహ్మ వైవర్తన పురాణం పేర్కొంది. అలాగే ఈ ఐదు విషయాలను కోరుకునే వ్యక్తులు విష్ణువు ముందు రోజూ దీపం వెలిగించి పూజించాలని కూడా తెలిపింది.

లక్ష్మీనాథుడి ముందు దీపం వెలిగించడం వల్ల చేసిన పాపాలు తొలగించి, సంతోషాన్ని కలిగిస్తాడు.

చేపట్టిన పనుల్లో విజయం సాధించాలన్నా, అర్థాంతరంగా నిలిచిపోయిన వాటిని పూర్తిచేయాలన్నా నారాయణుడు ముందు భక్తితో దీపం వెలిగించి ప్రార్థించాలి. దీని వల్ల నిరుత్సాహం వీడి, కోపం, ప్రతికూల ఉద్వేగాలు దూరమవుతాయి.

పవిత్రమై హృదయంతో విష్ణువు ముందు దివ్వె వెలిగించిన వారికి ఆయన దీవెనలు లభిస్తాయి. సమాజంలో గౌరవించబడతారు.