చేతుల పరిమాణం బట్టి వ్యక్తిత్వాన్ని తెలుసుకోవచ్చు!

చేతులు మనకు అనేక విధాలుగా ఉపయోగపడతాయి. మీకు తెలుసా మన చేతిలో 27 ఎముకలు, 29 జాయింట్లు, 123 కండరాలు ఉంటాయి. మనం చేసే అన్ని పనులకు ఇవి సహకరిస్తాయి. అంతే కాకుండా మరో ముఖ్యమైన అంశం అవి మన వ్యక్తిత్వాన్ని కూడా తెలియజేస్తాయట. మనలోని విశిష్ట లక్షణాల్ని మన డీఎన్‌ఏ తెలుపుతుంది. అలాగే చేతుల పరిమాణం కూడా మన వ్యక్తిత్వాన్ని వెల్లడిస్తాయి. మీ ఎడమ చేతిని 45 డిగ్రీలో కోణంలో ఉంచి తర్వాత మీ కుడిచేతిని తీసుకుని మోచెతికి సమాంతరంగా ఉంచండి. అలాగే మణికట్టువైపు చేతులను మడవండి. మీ చేతులు మణికట్టును తాకితే అవి పొడుగు చేతులు తాకకపోతే పొట్టి చేతులు.


పొట్టి చేతులు ఉండే వ్యక్తులు ఎల్లప్పుడూ స్వేచ్ఛగా సాహసోపేతమై నిర్ణయాలు తీసుకుంటూ రిస్క్‌ను ఎదుర్కోంటారు. ఇలాంటి వారు నీటిలో మునిగిపోయే క్లిష్టమైన సందర్భాల్లో తమ నైపుణ్యంతో ఒడ్డుకు చేరుకోగలరు. ఇలాంటి వారితో సంబంధాల్లో అత్యంత నాటకీయ పరిణామాలు చోటు చేసుకుంటాయి.

పొడుగు చేతులుండే వ్యక్తులు చాలా సమర్థులు. ఏదైనా వ్యవహారాలకు సంబంధించిన ప్రతి అంశాన్నీ క్షుణ్ణంగా తెలుసుకుంటారు. అనుకున్న పనులను సకాలంలో పూర్తి చేస్తారు. వీరు చాలా సున్నిత మనస్కులు. ఏవరైనా విమర్శిస్తే మాత్రం తట్టుకోలేరు.

చేతులను చూసి గుణగణాలను అంచనావేసే వ్యక్తులు చేతి ఆకారాల గురించి వివరించారు. అరచేతులు చతురస్రాకారంగా ఉండే వ్యక్తులు తార్కికంగా ఆలోచిస్తారు. వీరికి గణిత సామర్థ్యం ఎక్కువ. అయితే వీరు తమ పనులపై పూర్తిగా దృష్టి కేంద్రీకరించరు. ఇతరులపైనే ఎక్కువ ఆధాపడతారు.

అర చేయి దీర్ఘచతురస్రాకారంగా ఉండే వ్యక్తులకు అనేక విషయాలపై అవగాహన ఉంటుంది. ధైర్యంతో సమస్యలను పరిష్కరించుకుంటారు. వాస్తవంగా చెప్పాలంటే వీళ్లు సమస్య పరిష్కారంలో విభిన్నంగా ప్రయాణిస్తారు.

చిటికెన వేలు జరిగి ఉంటే సమస్యలను అర్థం చేసుకోగల సామర్థ్యం ఉంటుంది.
బొటన వేలు పొడుగ్గా ఉండేవారు తమ పనుల పట్ల ఆందోళన చెందుతారు.

చూపుడు వేలు పొడుగ్గా ఉండేవారు గౌరవానికి ఎక్కు ప్రాధాన్యత ఇస్తారు. ఉంగరం వేలు పొడుగ్గా ఉన్నవారు ఎక్కువగా పొగడ్తలను కోరుకుంటారు.


హార్ట్‌లైన్ బలంగా ఉండే వ్యక్తులు పనుల్లో చొరవతీసుకుని మిగతావారిని ఉత్తేజపరుస్తారు. హార్ట్‌లైన్ అరచేతి చివర నుంచి ప్రారంభమైన వ్యక్తులు గమ్మత్తుగా వ్యవహరిస్తారు.
చేతిలోని ఆయుష్షు రేఖ స్పష్టంగా కనిపిస్తే అలాంటివారికి అధిక శక్తి ఉంటుంది. ఇది మామూలుగా ఉంటే సాధారణ జీవితం గడుపుతారు.