మీ ఆరోగ్యం గుట్టు అరచేతులు చెప్పేస్తాయి!

మన ఆరోగ్యం గురించి వైద్యులను సంప్రదించకుండానే ఎలా ఉందో తెలుసుకోవచ్చట. శరీరంలోని అవయవాల పనితీరు ఆరోగ్య రహస్యాలను వెల్లడిస్తాయి. ముఖ్యంగా అరచేతుల రంగును బట్టి ఆరోగ్యాన్ని అంచనా వేయవచ్చని హస్తసాముద్రిక పండితులు తెలియజేస్తున్నారు. చేతులు ఏ రంగులో ఉంటే ఎలాంటి అనారోగ్య సమస్యలు ఉన్నాయో తెలిసిపోతుంది.

అరచేతులు ఎరుపు రంగులో ఉన్న వ్యక్తులు తమ పనులు ఎవ్వరికీ అప్పగించడానికి ఇష్టపడరు. ఇతరులకు ఆశ్రయం కల్పిస్తారు. చేతులు ముదురు ఎరుపు రంగులో ఉంటే అసౌకర్యం కలుగుతుంది. అలాగే ఇది గుండెపోటుకు కారణమవుతుంది. ముదురు ఎరుపు రంగులో ఉండేవారికి గుండె పనితీరు సక్రమంగా ఉండదు. ఇంకా ముదురు ఎరుపు రంగులోకి మారితే ఇది మస్తిష్క రక్రసావానికి సంకేతం. చేతులు ఎరుపు రంగులో ఉంటే ఆస్థమా, కరోనరీ ధమనుల సమస్య, అధిక రక్తపోటు, మూత్రపిండాల వ్యాధులకు సంకేతాలు. ఒకవేళ అధిక పని ఒత్తిడి, మద్యపానం, ఆలస్యంగా నిద్రపోవడం వల్ల చేతులు ఎరుపు రంగులో ఉంటే ఆందోళన పడాల్సిన అవసరం లేదు. దీనికి తగిన విశ్రాంతి తీసుకుంటే సరిపోతుంది.

అరచేతులు గులాబీ రంగులో ఉండేవారు చాలా అదృష్ట‌వంతులు. చేపట్టిన పనుల్లో కొద్దిపాటి శ్రమతోనే విజయం సాధిస్తారు. శారీరకంగా, మానసికంగా ఆరోగ్యవంతులు.

అరచేతులు తెల్లగా ఉంటే రక్తహీనత సమస్యతో బాధపడుతున్నట్లే. చేతులు, వేళ్లు తెల్లగా ఉంటే అల్ప రక్తపోటు. అరచేతిలో మధ్య భాగం తెల్లగా ఉంటే తీవ్రమైన ఉదర సంబంధ వ్యాధికి సంకేతం.

అరచేతులు నీలం రంగులో ఉండే వ్యక్తుల చాలా భయస్తులు. అయితే వీరికి ప్రత్యేకమైన గుణం ఉంటుంది. భిన్నంగా ఉంటారు. అంతర్వర్తనులు. ఇతరులపై అతిగా ఆధారపడతారు. అలాగే ఇది తక్కువస్థాయి రక్త ప్రసరణకు సంకేతం. గుండె, ఉదర సంబంధ, అజీర్తి వ్యాధుల బారిన పడే ఆస్కారం ఎక్కువ.

అరచేతులు పసుపు పచ్చగా ఉండే వ్యక్తులు కష్టజీవులు. జీవితంలో కష్టాలు ఎదుర్కొంటారు. అలాగే పిత్తాశయ, ప్యాంకియాట్రిక్ వ్యాధులు భాదించే అవకాశాలు ఎక్కువ. చేతులు పసుపు రంగులో ఉంటే పిత్తాశయ వాహిక కేన్సర్ లక్షణాలకు సంకేతం.

అర చేతులు నలుపు రంగులో ఉండే వ్యక్తుల ఆరోగ్యం అంతంత మాత్రంగానే ఉంటుంది. సంపాదన విషయంలో దురదృష్ట‌ం వెంటాడుతుంది. ఆరోగ్యపరంగానూ సమస్యలు ఎదురవుతాయి. రక్తహీనత, అధిక రక్తపోటు, ఉదర సంబంధ రోగాలు అధికంగా ఉంటాయి.

అరచేతులు మెరుస్తూ ఉండే వ్యక్తులు అదృష్ట‌వంతులు. సంపాదన పుష్కలంగా ఉంటుంది. చేపట్టిన ప్రతి పనిలోనూ విజయం సాధిస్తారు. అయితే గుండె పనితీరు నెమ్మదిగా ఉండటం, కీళ్ల నొప్పులు లాంటి అనారోగ్య సమస్యలు వెంటాడుతాయి.