Tuesday Puja Vidhi in Telugu మంగళవారం రోజున ఇలా చేస్తే ఆంజనేయుడి అనుగ్రహం పొందొచ్చు..

Tuesday Puja Vidhi in Telugu హిందూ పురాణాల ప్రకారం ఆంజనేయుడిని వాయువు, అంజనీ పుత్రుడిగా పరిగణిస్తారు. హనుమంతుడికి భజరంగబళి, మారుతీ, ఆంజనేయుడితో పాటు ఇంకా అనేక పేర్లు ఉన్నాయి. మంగళవారం రోజున హనుమంతుని అనుగ్రహం పొందేందుకు ఉత్తతమైన రోజు అని పండితులు చెబుతారు. ఇదే రోజున సుందరకాండ పారాయాణం చేయడం, హనుమాన్ చాలీసా పఠించడం వల్ల విశేష ప్రయోజనాలు కలుగుతాయని చాలా మంది నమ్ముతారు. ఈ సందర్భంగా హనుమాన్ చాలీసా ఎప్పుడు పఠించాలి.. సుందరకాండ పారాయణం ఎప్పుడు చేయాలనే పూర్తి వివరాలను ఇప్పుడు తెలుసుకుందాం...

నవంబర్ నెలలో తిరుమలలో జరిగే ముఖ్యమైన కార్యక్రమాలివే..

మంగళవారం రోజున సూర్యోదయానికి ముందే అంటే తెల్లవారుజామున నిద్ర లేచి స్నానం పూర్తి చేయాలి. అనంతరం ధ్యానం ప్రారంభించాలి. సుందరకాండ పఠించడానికి ముందు పూజ గదిలో ఉన్న ఆంజనేయుడి విగ్రహాన్ని లేదా ఫొటోను పూజించాలి. హనుమంతుని ఎదుట సీతారాముల ఫొటో లేదా విగ్రహాలను ఉంచాలి. అనంతరం జీని పండ్లు, పువ్వులు, మిఠాయిలు, సింధూరంతో స్వామి వారిని పూజించాలి. సుందరకాండ పారాయణానికి ముందు వినాయకుడిని పూజించాలి. ఇలా సుందరకాండ పారాయణం చేసిన ప్రతి ఒక్కరికీ సానుకూల ఫలితాలొస్తాయి.

అదే విధంగా హనుమాన్ చాలీసా పారాయణం చేయడం వల్ల విశేషమైన ఫలితాలొస్తాయని పండితులు చెబుతారు. అయితే ఈ హనుమాన్ చాలీసాను పఠించేటప్పుడు కొన్ని నియమ నిబంధనలు కచ్చితంగా పాటించాలి. అలా చేయకపోతే మీకు ఎలాంటి ప్రయోజనం ఉండదు.

మంగళవారం రోజున ఉదయాన్నే నిద్ర లేచి స్నానం చేసిన తర్వాత హనుమంతుని ఫొటో లేదా విగ్రహం ఎదుట ఒకటి నుంచి మూడుసార్లు హనుమాన్ చాలీసా పఠించడం వల్ల శుభప్రదంగా పరిగణించబడుతుంది. హనుమాన్ చాలీసా పఠించడానికి ముందు నీళ్లను మీ దగ్గర ఉంచుకోవాలి. హనుమాన్ చాలీసా పఠించడం పూర్తయిన తర్వాత ఆ నీటిని తీర్థంగా తీసుకోవాలి.

మంగళవారం రోజున మీ దగ్గర్లోని హనుమంతుడి ఆలయానికి వెళ్లి రామనామం జపించాలి. ఇలా చేయడం వల్ల మీ జీవితంలో ఎదురయ్యే సంక్షోభాలన్నీ తొలగిపోతాయి.
మంగళవారం రోజున ఉపవాసం ఉండి పేదలకు అన్నదానం చేస్తే ఆంజనేయుని అనుగ్రహం లభించడమే కాదు..డబ్బుకు, ఆహారానికి లోటు అనేదే ఉండదు.

హనుమంతుని ఆలయంలో బెల్లం, పప్పును నైవేద్యంగా సమర్పించాలి. నిరుద్యోగులుగా ఉండే వారు ఆంజనేయుడి పాదాల దగ్గర తమలపాకులను సమర్పించాలి. ఇలా చేయడం వల్ల మీరు ఇంటర్వ్యూల్లో విజయం సాధిస్తారు.

మీరు కోరుకున్న ఆదాయం పొందడానికి ఆంజనేయ స్వామికి గులాబీ పూల హారాన్ని సమర్పించాలి. ఎవరికైతే తరచుగా చెడు కలలు వస్తుంటాయో వారు రాత్రి పడుకునే సమయంలో పాదాల దగ్గర పటికను ఉంచాలి. ఉదయం నిద్ర లేచిన తర్వాత ఆ పటిను ఎవ్వరూ లేని నిర్జీవ ప్రదేశంలో విసిరేయాలి. ఇలా చేయడం వల్ల మీ కోరికలన్నీ నెరవేరుతాయని పండితులు చెబుతున్నారు.

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.

Read Latest Religion News and Telugu News