Lighting Diya in Front of Tulsi సంధ్యా వేళలో తులసి చెట్టు ఎదుట దీపారాధన ఎందుకు చేయాలంటే...
Lighting Diya in Front of Tulsi హిందూ ఆచారాల ప్రకారం, ప్రతిరోజూ సూర్యాస్తమయం తర్వాత సాయంకాలం సమయంలో తులసి చెట్టు ఎదుట దీపారాధన చేస్తారు. శాస్త్రాల ప్రకారం, పర్యావరణాన్ని శుద్ధి చేసేందుకు, ఇల్లు, కార్యాలయంలో ఆధ్యాత్మిక వాతావరణం పెంచుకునేందుకు దీపాన్ని వెలిగిస్తారు.
తులసి చెట్టుతో ఆరోగ్య ప్రయోజనాలు..
పురాణాల ప్రకారం, ప్రతిరోజూ తులసి చెట్టుకు నీరు పోసి, ఆ చెట్టు ఎదుట దీపం వెలిగించే వారికి అన్ని కష్టాల నుంచి విముక్తి లభిస్తుంది. శాస్త్రీయ పరంగా తులసి ఆకులతో క్యాన్సర్ వంటి వ్యాధులు కూడా నయం అవుతాయి. తులసి తీర్థంతో సర్వరోగాలు నయమవుతాయని చాలా మంది నమ్ముతారు.
Best time for bathing సంపన్న జీవితం కోసం స్త్రీ, పురుషులు ఎప్పుడు, ఎలా స్నానం చేయాలంటే...!
ఈ మంత్రాలను పఠించాలి..
తులసి చెట్టుకు నీరు పోసిన తర్వాత కచ్చితంగా ఐదు లేదా తొమ్మిది ప్రదక్షిణ చేయాలి. అలా ప్రదక్షిణ చేసే వేళ నీటిని పోయాలి. ఒక వేళ మీ ఇంట్లో తులసి చెట్టు ఎదుట ప్రదక్షిణలు చేయడానికి స్థలం లేకుంటే, తులసి మొక్కను నాటి కొన్ని మంత్రాలను జపించాలి.
‘నమస్తులసి కళ్యాణీ! నమో విష్ణు ప్రియే! శుభే!
నమో మోక్ష ప్రదే దేవి! నమస్తే మంగళప్రదే!
ఈ మంత్రాలను జపిస్తూ తులసిని ప్రార్థించిన వారికి లక్ష్మీదేవి అనుగ్రహం లభిస్తుంది.
ఆక్సీజన్ ను విడుదల చేస్తుంది..
తులసి చెట్టు ఎదుట ప్రదక్షిణలు చేయడం వల్ల శ్వాస కోస సమస్యలు తొలగిపోతాయి. అంతేకాదు మనం పీల్చుకునే ఆక్సీజన్ ను వదిలే ఏకైక మొక్క కూడా తులసి చెట్టే. అందుకే ప్రతిరోజూ విధిగా ఉదయం, సంధ్యా వేళలో తులసి మొక్కను పూజించి, దీపాన్ని వెలిగించాలని పండితులు చెబుతారు.
వైకుంఠానికి వారధిగా..
ప్రాచీన పురాణాల్లో తులసి మొక్కను ఆరాధించేందుకు అనేక రకాల కారణాలున్నాయి. అయినప్పటికీ స్వర్గం లేదా వైకుంఠం చేరేందుకు తులసిని వారధిగా భావిస్తారు. భక్తులు తమ అంతిమ లక్ష్యమైన మోక్ష సిద్ధికి తులసి ఎంతగానో మేలు చేకూరుస్తుంది.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
Read Latest Religion News and Telugu News