శుభ ముహుర్తం..
తెలుగు పంచాంగం ప్రకారం కార్తీక మాసంలోని క్రిష్ణ పక్షంలో నవంబర్ 23వ తేదీన బుధవారం 6:53 గంటలకు అమావాస్య తిథి ప్రారంభమవుతుంది. ఆ తర్వాత రోజు అంటే నవంబర్ 24వ తేదీన గురువారం తెల్లవారుజామున 4:26 గంటలకు ముగుస్తుంది.
Weekly Horoscope ఈ వారంలో రెండు శుభ యోగాలు.. ఈ రాశుల వారికి అద్భుత ప్రయోజనాలు...!
కార్తీక అమావాస్య ప్రాముఖ్యత..
స్కంద పురాణం ప్రకారం, కార్తీక అమావాస్య రోజున ప్రవహించే నదిలో స్నానమాచరించాలి. ఈ పవిత్రమైన రోజున మీ సామర్థ్యం మేరకు దీపాలు, ఆహారం, దుస్తులను దానధర్మాలు చేయాలి. అమావాస్య రోజున సంధ్యా వేళలో సూర్యాస్తమయం ముగిశాక చీకటి పడిన తర్వాత నూనెతో దీపం వెలిగించాలి. ఇలా చేయడం వల్ల లక్ష్మీదేవి అనుగ్రహం మీకు తప్పకుండా లభిస్తుంది. అదే విధంగా శ్రీ విష్ణుమూర్తికి తులసిని నైవేద్యంగా సమర్పించి.. భగవద్గీతను పఠించాలి. దీంతో విష్ణుమూర్తి ఆశీస్సులు లభిస్తాయి. కార్తీక అమావాస్య రోజున చీమలకు పిండిని తినిపించడం వల్ల దోషాలన్నీ తొలగిపోతాయని పండితులు చెబుతున్నారు.
చేయాల్సిన పనులు..
కార్తీక అమావాస్య రోజున సూర్యుడికి అర్ఘ్యం సమర్పించాలి. అదే విధంగా ప్రవహించే నీటిలో నువ్వులను వదలాలి. ఉదయాన్నే నవగ్రహ స్తోత్రాన్ని పఠించి భగవంతుని ఆశీస్సులు పొందాలి. అదే విధంగా విష్ణు సహస్రనామ పారాయణం చేస్తే గ్రహాల వల్ల కలిగే దుష్ఫలితాలన్నీ తొలగిపోతాయని పండితులు చెబుతారు. కార్తీక అమావాస్య రోజున శని బాధల నుంచి విముక్తి కోసం శివాలయంలో మట్టి దీపం వెలిగించాలి. పరమేశ్వరుని అనుగ్రహం కోసం శివలింగంపై తేనేతో అభిషేకం చేయాలి.
దేవతా మూర్తులకు నైవేద్యాలు..
కార్తీక అమావాస్య రోజున ఎవ్వరు కూడా తమ ఇళ్ల ముంగిట రంగోలి ముగ్గులను వేయకూడదని శాస్త్రాలలో పేర్కొనబడింది. ఎందుకంటే అమావాస్యకు ముందు రోజు పూర్వీకులు తమ ఇంటికి వస్తారని, వారికి ఆర్ఘ్యమివ్వడానికి కార్యాలను చేయడం ద్వారా వంశంలో పురోగతి, అష్టఐశ్వర్యాలు చేకూరుతాయని పురోహితులు చెబుతున్నారు. అయితే ఇంటిముందు చెత్తచెదారాన్ని తొలగించి, కల్లాపి నీళ్లను చల్లొచ్చు. కాబట్టి కార్తీక అమావాస్య రోజున పూర్వీకులను మనసులో స్మరించుకుని దేవతా మూర్తులకు ఇచ్చే నైవేద్యాలు, కర్పూర హారతి ఇవ్వాలని పండితులు చెబుతున్నారు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.