క్రికెట్ జట్టు కెప్టెన్ అంటే ఎన్నో తలకు మించిన బాధ్యతలు.. జట్టులో ఎవరు తప్పు చేసినా తనే సంజాయిషీ ఇచ్చుకోవాలి. మధ్యలో మేనేజ్మెంట్తో కలిసి మ్యాచ్ వ్యూహాలు రూపొందించాలి.. దానికి తగినట్లు ఆటగాళ్ల ప్రాక్టీస్ని ఓ కంట కనిపెడుతూ తుది జట్టుపై ఓ అంచనాకి రావాలి. ఇలాంటి కార్యక్రమాలతో గత పదేళ్లు బిజీగా గడిపిన భారత మాజీ కెప్టెన్ మహేంద్ర సింగ్ ధోని ప్రస్తుతం సాధారణ క్రికెటర్లా డ్రెస్సింగ్ రూములో హాయిగా గడుపుతున్నాడు. ప్రస్తుతం దేశవాళీ జట్టు ఝార్ఖండ్కి మినహా ఏ జట్టుకి ధోనీ నాయకత్వం వహించడం లేదు. ఇటీవలే రైజింగ్ పుణె సూపర్ జైయింట్స్ కూడా ధోనీని కెప్టెన్సీ నుంచి తొలగించిన విషయం తెలిసిందే. ఆస్ట్రేలియా కెప్టెన్ స్టీవ్స్మిత్ తాజా ఐపీఎల్లో పుణె జట్టుకి నాయకత్వం వహించనున్నాడు.
ఐపీఎల్ ఆరంభ టోర్నీ నుంచి కెప్టెన్ హోదాలోనే ఆడిన ధోని తొలిసారి వికెట్ కీపర్ / బ్యాట్స్మెన్గా మైదానంలోకి రానున్నాడు. రైజింగ్ పుణె జట్టు ఈ రోజు రాత్రి ముంబయి ఇండియన్స్తో తొలి మ్యాచ్లో ఢీకొనబోతోంది. జట్టులోని క్రికెటర్లందరూ గత నాలుగు రోజుల నుంచి నెట్స్లో తీవ్రంగా ప్రాక్టీస్ చేస్తుండగా.. ధోనీ కాసేపు ప్రాక్టీస్ చేసి అనంతరం ఆల్రౌండర్ బెన్స్టోక్స్తో కలిసి క్యారమ్ ఆడుతూ కనిపించాడు. ప్రస్తుతం ఈ ఫొటో నెట్లో హల్చల్ చేస్తోంది. కెప్టెన్గా జట్టును చివరి వరకు నడిపించాల్సిన బాధ్యత ఉండటంతో ఇన్నేళ్లుగా ఐదు లేదా ఆరో స్థానంలో బ్యాటింగ్కి వచ్చిన ధోని.. ఈ ఐపీఎల్లో కొంచెం ముందుగానే బ్యాట్తో క్రీజులోకి రానున్నట్లు తెలుస్తోంది. ఎలాంటి బాధ్యతలు లేకపోవడంతో ధోనీ యథేచ్ఛగా హిట్టింగ్ చేసి భారీ స్కోర్లు సాధిస్తాడని పుణె ధీమా వ్యక్తం చేస్తోంది.
ఐపీఎల్ ఆరంభ టోర్నీ నుంచి కెప్టెన్ హోదాలోనే ఆడిన ధోని తొలిసారి వికెట్ కీపర్ / బ్యాట్స్మెన్గా మైదానంలోకి రానున్నాడు. రైజింగ్ పుణె జట్టు ఈ రోజు రాత్రి ముంబయి ఇండియన్స్తో తొలి మ్యాచ్లో ఢీకొనబోతోంది. జట్టులోని క్రికెటర్లందరూ గత నాలుగు రోజుల నుంచి నెట్స్లో తీవ్రంగా ప్రాక్టీస్ చేస్తుండగా.. ధోనీ కాసేపు ప్రాక్టీస్ చేసి అనంతరం ఆల్రౌండర్ బెన్స్టోక్స్తో కలిసి క్యారమ్ ఆడుతూ కనిపించాడు. ప్రస్తుతం ఈ ఫొటో నెట్లో హల్చల్ చేస్తోంది. కెప్టెన్గా జట్టును చివరి వరకు నడిపించాల్సిన బాధ్యత ఉండటంతో ఇన్నేళ్లుగా ఐదు లేదా ఆరో స్థానంలో బ్యాటింగ్కి వచ్చిన ధోని.. ఈ ఐపీఎల్లో కొంచెం ముందుగానే బ్యాట్తో క్రీజులోకి రానున్నట్లు తెలుస్తోంది. ఎలాంటి బాధ్యతలు లేకపోవడంతో ధోనీ యథేచ్ఛగా హిట్టింగ్ చేసి భారీ స్కోర్లు సాధిస్తాడని పుణె ధీమా వ్యక్తం చేస్తోంది.