పుణె‌పై ఫీల్డింగ్ ఎంచుకున్న బెంగళూరు

ఐపీఎల్ పదో సీజన్‌లో భాగంగా రైజింగ్ పుణె సూపర్ జెయింట్‌తో జరుగుతున్న మ్యాచ్‌లో టాస్ గెలిచిన రాయల్ ఛాలెంజర్స్ బెంగళూరు కెప్టెన్ విరాట్ కోహ్లి ఫీల్డింగ్ ఎంచుకున్నాడు. టోర్నీలో ఇప్పటి వరకు 8 మ్యాచ్‌లాడిన పుణె జట్టు నాల్గింటిలో గెలుపొంది పాయింట్ల పట్టికలో నాలుగో స్థానంలో ఉండగా.. కేవలం రెండింట్లో మాత్రమే గెలుపొందిన బెంగళూరు ఏడో స్థానంలో కొనసాగుతోంది. తాజా సీజన్‌లో ఇప్పటికే ఓ సారి కోహ్లిసేనను వారి సొంతగడ్డపైనే ఓడించిన పుణె జట్టు.. ప్రస్తుతం పేలవ ప్రదర్శనతో తీవ్ర ఒత్తిడిలో ఉన్న ఆ జట్టుపై మళ్లీ గెలిచి ప్లేఆఫ్ అవకాశాలను మెరుగుపర్చుకోవాలని ఉవ్విళూరుతోంది. పుణె సొంతమైదానంలో ఈ మ్యాచ్ జరుగుతుండటం ఆ జట్టుకి కలిసొచ్చే అంశం.

పుణె జట్టు
అజింక్య రహానె, రాహుల్ త్రిపాఠి, స్టీవ్ స్మిత్, ధోని, మనోజ్ తివారి, క్రిస్టియాన్, వాషింగ్టన్ సుందర్, దీపక్ చాహర్, ఉనద్కత్, లాకీ, ఇమ్రాన్ తాహిర్

బెంగళూరు జట్టు
విరాట్ కోహ్లి, ట్రావిస్ హెడ్, ఏబీ డివిలియర్స్, కేదార్ జాదవ్, సచిన్ బేబీ, స్టువర్ట్ బిన్నీ, పవన్ నేగి, బద్రి, ఆడమ్ మిల్నే, శ్రీనాథ్ అరవింద్, చాహల్