పదేళ్ల బాలికను గర్భవతిని చేసిన స్టెప్ ఫాదర్

హర్యానాలో మరో ఘోరం జరిగింది. 23ఏళ్ల యువతిపై సామూహికంగా అత్యాచారం జరిపి అత్యంత ఘరంగా చంపిన ఘటన మరవకముందే 10 ఏళ్ల బాలికను గర్భవతిని చేశాడో దుర్మార్గుడు. ఆ రేపిస్టు బాలిక సవతి తండ్రి (స్టెప్ ఫాదర్). ఈ సంఘటన కూడా హరియానాలోని రోహతక్ లో చోటు చేసుకుంది.

బిహార్ కు చెందిన ఓ మహిళ కార్మికురాలు తన పదేళ్ల కూతురితో కలిసి రోహతక్ లో ఉంటోంది. భర్త చనిపోవడంతో మరోవ్యక్తిని పెళ్లాడింది. భార్య కూలీ పనులు వెళ్లినప్పుడల్లా బాలికను బెదిరించి అత్యాచారానికి పాల్పడ్డాడు.

ఇటీవల తరచూ బాలిక అత్యాచారానికి గురి కావడంతో తల్లి ఆసుపత్రికి తీసుకెళ్తే అసలు విషయం వెలుగు చూసింది. ఆ బాలిక ప్రస్తుతం ఐదు నెలల గర్భవతి అని వైద్యులు తెలిపారు.

బాలికపై అత్యాచారానికి పాల్పడ్డ స్టెప్ ఫాదర్ పై తల్లి ఫిర్యాదు మేరకు కేసు నమోదు చేసిన పోలీసులు అతణ్ని అరెస్టు చేశారు.