నర్సింగ్ విద్యార్థినిపై రేప్!

పదహారేళ్ల వయసున్న ఓ నర్సింగ్ విద్యార్థినిపై ఓల్డేజ్ హోంలో సూపర్‌వైజర్‌గా పనిచేస్తున్న యువకుడు అత్యాచారం చేశాడు. రేప్ చేయడానికి అతడికి మరో ఇద్దరు సహకరించారు. ఈ ఘటన హైదరాబాద్‌లో ఎల్బీ నగర్‌లో చోటు చేసుకుంది. వివరాల్లోకి వెళితే..
ఎల్బీనగర్‌లోని ఓ వృద్ధాశ్రమంలో గణేశ్ అనే పాతికేళ్ల యువకుడు పని చేస్తున్నాడు. అతడికి నర్సింగ్ చదువుతున్న 16 ఏళ్ల అమ్మాయితో పరిచయం ఏర్పడింది. ఓ రోజు గణేశ్ ఆమెపై రేప్ చేశాడు. అతడికి సహోద్యోగులైన సుబ్బయ్య, వెంకటేశ్‌లు సహకరించారు. ఈ విషయాన్ని ఆ యువతి ఓల్డేజ్ హోం నిర్వహాకుడి దృష్టికి తీసుకెళ్లింది. కానీ అతడేమీ స్పందించ లేదు. రేప్ జరిగిన విషయం తెలుసుకున్న ఆమె కుటుంబీకులు పోలీస్ స్టేషన్లో ఫిర్యాదు చేశారు. రంగంలోకి దిగిన పోలీసులు రేప్ చేసిన గణేశ్‌తోపాటు, అతడికి సహకరించిన ఇద్దరు యువకులపై కూడా కేసు నమోదు చేశారు. ఈ ఘటన గురించి తెలిసినా స్పందించని ఓల్డేజ్ హోం నిర్వహాకుడిపై కేసు పెట్టారు. ప్రధాన నిందితుడు పోలీసుల కస్టడీలో ఉండగా, అతడికి సహాయం చేసిన ఇద్దరు యువకులు పరారీలో ఉన్నారు. పోలీసులు వారికోసం గాలింపు చర్యలు చేపట్టారు.