కోర్కె తీర్చకపోతే తల్లి అశ్లీల చిత్రాలు నెట్‌లో....

తన కోర్కె తీర్చకపోతే తల్లికి సంబంధించిన అశ్లీల వీడియోలు నెట్‌లో పెడతానంటూ యువకుడు బెదిరించడంతో ఓ యువతి ఆత్మహత్యకు పాల్పడింది. ఈ ఘటన కర్ణాటకలోని మైసూరు జిల్లా బన్నూరులో చోటు చేసుకుంది. బన్నూరు పరిధిలోని తురుగనూరుకు చెందిన చైత్ర అనే 20 ఏళ్ల యువతి తండ్రి మరణించడంతో తల్లితో కలసి ఓ ఆశ్రమంలో ఉంటోంది.

మాండ్య ప్రభుత్వ కళాశాలలో బీఎస్సీ చదువుతున్న చైత్ర కుటుంబ పరిస్థితిని ఆసరాగా చేసుకుని అదే గ్రామానికి చెందిన ట్రాక్టర్ రవి అనే యువకుడు వేధించడం ప్రారంభించాడు. అలాగే తన దగ్గర బాధితురాలు తల్లికి సంబంధించిన అశ్లీల వీడియోలు ఉన్నాయని, వాటిని తొలగించాలంటే రూ.లక్ష ఇవ్వాలని డిమాండ్ చేశాడు. డబ్బులు ఇవ్వకపోతే తనతో శృంగారంలో పాల్గోవాలని బ్లాక్‌మెయిల్ చేశాడు.

దీనికి అంగీకరించకపోతే తల్లికి చెందిన వీడియోలు సామాజిక మాధ్యమాల్లో పోస్ట్ చేస్తానంటూ చైత్రను బెదిరించాడు. అంతేకాకుండా ఆమె చదువుతున్న కాలేజీకి వెళ్లి తాను చెప్పినట్లు వినకపోతే నీ గురించి తప్పుడు ప్రచారం చేస్తానని హెచ్చరించాడు. దీంతో తీవ్ర మనస్తాపానికి గురైన చైత్ర శుక్రవారం ఇంట్లో ఉరేసుకుని ఆత్మహత్యకు పాల్పడింది. ఈ ఘటనపై కేసు నమోదు చేసిన పోలీసులు నిందితుడి కోసం గాలిస్తున్నారు.