యాప్నగరం

విషాదం: పెళ్లిపందిట్లో 23 మంది దుర్మరణం!

పచ్చని పెళ్లిపందిరిలో ఘోర విషాదం చోటు చేసుకుంది.

TNN 11 May 2017, 12:44 pm
పచ్చని పెళ్లిపందిరిలో ఘోర విషాదం చోటు చేసుకుంది. కాసేపట్లో పెళ్లి జరగాల్సిన మండపం శ్మశానవాటికలా మారింది. రాజస్థాన్ లోని భరత్ పూర్ లో ఉన్న అన్నపూర్ణ మ్యారేజ్ గార్డెన్ లో ఓ పెళ్లి జరగనుంది. దానికి బంధువులంతా వచ్చారు. హఠాత్తుగా గాలి వాన మొదలవ్వడంతో వారంతా ఓ పెద్ద గోడ పక్కన నిల్చున్నారు. అది చాలా ఎత్తయిన గోడ. అప్పటికే కాస్త తడిసి ఉండడంతో ఒక్కసారిగా కుప్పకూలిపోయింది. దీంతో 23 మంది అక్కడికక్కడే మరణించగా, 28 మంది తీవ్రంగా గాయపడ్డారు. గాయపడిన వారిని వెంటనే ఆసుపత్రికి తరలించారు.
Samayam Telugu 23 dead after a wedding hall collapses in rajasthan
విషాదం: పెళ్లిపందిట్లో 23 మంది దుర్మరణం!


మరణించిన వారిలో నలుగురు చిన్నారులు కూడా ఉన్నారు. మిగిలిన వారు 11 మంది పురుషులు, ఎనిమిది మంది మహిళలు. సంతోషంతో నిండాల్సిన పెళ్లి మండపంలో రోదనలతో మిన్నంటింది. శిథిలాల కింద ఎక్కువ మంది ఇరుక్కుని ఊపిరాడక చనిపోయారు. కొన్ని గంటల పాటూ కష్టపడి రెస్క్యూ టీమ్ వారిని కాపాడింది. అయితే భారీ వర్షం కారణంలో విద్యుత్ స్థంభాలు పడిపోవడంతో కరెంటు పోయింది. దీంతో చీకట్లో సహాయక చర్యలు చేపట్టడం చాలా ఇబ్బంది అయ్యింది. ప్రమాదంపై రాజస్థాన్ ముఖ్యమంత్రి వసుంధర రాజే తీవ్ర దిగ్భ్రాంతిని వ్యక్తం చేశారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.