ఆ పద్ధతిలో సెక్స్ కావాలని వేధిస్తున్న భర్తపై కేసు!

అసహజ లైంగిక ప్రక్రియ కావాలని భార్యను వేధిస్తున్న ఓ ఐటీ ఇంజనీరుపై అతడి భార్య కేసు పెట్టిన ఘటన బెంగళూరులో చోటు చేసుకుంది. ఆ నగరానికి చెందిన ఓ ఐటీ ఇంజనీర్ ఆరేళ్ల కిందట ఛత్తీస్‌గఢ్‌కు చెందిన యువతిని వివాహం చేసుకున్నాడు. ఈ దంపతులు బెంగళూరు వివేకనగరలో కాపురం పెట్టారు. పెళ్లైన కొన్ని రోజుల పాటు చక్కగానే కాపురం చేసుకున్నారు. ఆ తర్వాత ఆమెకు అతడి విపరీత ప్రవర్తన గురించి తెలిసింది. రోజూ బ్లూ ఫిల్మ్స్ చూసే అలవాటున్న అతడు.. వాటిని తన భార్యకు చూపెట్టడం మొదలెట్టాడు. అంతటితో ఆగకుండా.. వాటిలో ఉన్నట్లుగానే శృంగారం కావాలని ఆమెపై ఒత్తిడి తీసుకొచ్చాడు.

రోజురోజుకీ అతడి పైత్యం శృతి మించింది. అతడు కోరుకున్న విధంగా సుఖం అందించకపోవడంతో ఆమెను వేధింపులకు గురి చేశాడు. ఇద్దరూ పడకగదిలో ఏకాంతంగా ఉన్న సమయంలో సెల్‌ఫోన్‌లో వీడియో తీసేవాడు. అతడి చేష్టలకు అడ్డు చెబితే.. ఆ వీడియో దృశ్యాలను ఆమె తండ్రికి వాట్సాప్‌ చేస్తానంటూ బెదిరింపులకు పాల్పడేవాడు.
​
అతడి బాధ భరించలేక ఆమె పుట్టింటికి వెళ్లి పోయింది. ఆ తర్వాత ఆమె ఛత్తీస్‌గఢ్‌లోని రాయ్‌గఢ్‌లో.. భర్త వికృత మనస్తత్వంపై పోలీసులకు ఫిర్యాదు చేసింది. పోలీసులు తాజాగా ఈ కేసును బెంగళూరులోని వివేకనగర పోలీస్‌స్టేషన్‌కు బదిలీచేయడంతో వారు విచారణ చేపట్టారు.