అందానికి ఇలియానా నిర్వచనమిది!

తాను అందంగా ఉంటానని భావించడం లేదని గోవా బ్యూటీ ఇలియానా చెప్పింది. తాను ఏనాడు తాను అందగత్తెననుకోలేదని ఒక ఇంటర్వ్యూలో చెప్పింది. అంతేకాకుండా, భారతీయ సినీ పరిశ్రమలో చర్మం రంగుతో పనిలేదని టాలెంట్ ఉంటే నెగ్గుకొచ్చేయవచ్చంది. మిగిలిన హీరోయిన్లతో పోలిస్తే నాది ప్రకాశమంతమైన చర్మం కాదు. ఇండస్ట్రీలో మిల్కీ వైట్ లాంటి ఆకర్షణీయచర్మం కలవారితోపాటు, చామనచాయ వాళ్లు కూడా బాగానే రాణిస్తున్నారని చెప్పుకొచ్చింది. మిగిలిన వారికి మాదిరిగా తాను చర్మపు రంగు గురించి ఆలోచించనని, ఆరోగ్యంగా ఉన్నామా ఆనందంగా ఉన్నామా లేదా అని మాత్రం పరిశీలించుకుంటానంది. ఆ రెండూ ఉంటే అందంగా ఉన్నట్లేనని సన్నజాజి నడుము హీరోయిన్ ముక్తాయించింది.