జ్వాలా గుత్తాను గిఫ్టుతో సర్‌ప్రైజ్ చేసిన అనుష్కా శర్మ !

బాలీవుడ్ నటి అనుష్కా శర్మ మన హైదరాబాదీ బ్యాడ్మింటన్ స్టార్ జ్వాల గుత్తాకు ఓ లవ్లీ సర్‌ప్రైజింగ్ గిఫ్ట్ పంపించింది. ఇటీవలే నుష్(NUSH)పేరిట క్లాతింగ్ లైన్ బిజినెస్‌లోకి అడుగిడిన అనుష్కా శర్మ.. తన వస్త్ర ప్రపంచంలోంచే ఓ అందమైన డ్రెస్సుని జ్వాల గుత్తాకు బహుమతిగా పంపించింది. అనుష్కా శర్మ తనపై అభిమానంతో పంపించిన ఆ కానుక అందుకున్న జ్వాల గుత్తా.. సోషల్ మీడియా ద్వారా ఆమెకి కృతజ్ఞతలు చెప్పడంతో ఈ విషయం వెలుగులోకి వచ్చింది. క్రీడాప్రముఖులతో బాలీవుడ్ స్టార్స్‌కి వున్న పరిచయాలు ఇవాళ కొత్తవి కాదు. గతంలోనూ పలువురు సినీ ప్రముఖులు క్రీడాప్రముఖులకి, అలాగే క్రీడా ప్రముఖులు సినీ సెలబ్రిటీలకు తమ గిఫ్టులతో సర్‌ప్రైజ్ చేసిన సందర్భాలున్న సంగతి తెలిసిందే.