బ్రహ్మచారినని వీసా ఇవ్వలేదు: రామ్ దేవ్

రామ్‌దేవ్ బాబా... రూ.4,500 కోట్లు విలువ చేసే పతంజలి సామ్రాజ్యానికి అధినేత. యోగాలో ప్రపంచవ్యాప్త గుర్తింపు తెచ్చుకున్న వ్యక్తి. అతని యోగాకి ఎంతో మంది ప్రముఖులు అభిమానులుగా ఉన్నారు. అలాంటి వ్యక్తికి కూడా ఓసారి అమెరికా వీసా ఇవ్వడానికి నిరాకరించిందట. ఈ విషయాన్ని ఇండోర్ జరిగిన గ్లోబల్ ఇన్వెస్టర్స్ సదస్సులో ఆయనే వెల్లడించారు. అయితే ఈ ఘటన ఎప్పుడు జరిగిందో మాత్రం చెప్పలేదు.

తొలిసారి అమెరికా వెళ్లేందుకు వీసాకు దరఖాస్తు చేసుకుంటే తిరస్కరించారన్నారు. కారణం అడిగితే మీకు పెళ్లి కాలేదని, బ్యాంకు ఖాతా కూడా లేదని చెప్పారని ఆయన తెలిపారు. అనంతరం అమెరికానే పదేళ్ల పాటూ వ్యాలిడిలీ ఉండే వీసాను ఇచ్చి ఐరాసలో ప్రసంగించేందుకు పిలిచిందని చెప్పారు. న్యూయార్క్ లో ఉండే ఐరాస ప్రధాన కార్యాలయంలో ఆయన ప్రసంగించారు.