యాప్నగరం

పెట్రోల్ కొంటే... బిర్యానీ ఫ్రీ!

రోజువారీ సమీక్షా విధానం అమల్లోకి వచ్చిన తర్వాత పెట్రోల్, డీజిల్ ధరలు అమాంతం పెరుగుతూ సామాన్యులకు భారంగా పరిణమించాయి.

TNN 29 Sep 2017, 3:57 pm
రోజువారీ సమీక్షా విధానం అమల్లోకి వచ్చిన తర్వాత పెట్రోల్, డీజిల్ ధరలు అమాంతం పెరుగుతూ సామాన్యులకు భారంగా పరిణమించాయి. రోజువారీ ధరల సమీక్ష విధానం అమల్లోకి వచ్చిన రెండు నెలల వ్యవధిలోనే పెట్రోల్ లీటరుకు రూ.7, డీజిల్ రూ.5 వరకు పెరిగింది. దీంతో వాహనదారులు తీవ్ర ఇబ్బందులు పడుతున్నారు. అయితే వీరికి కొంతమేర ఉపశమనం కలిగించేందుకు బెంగళూరులోని ఓ పెట్రోల్‌ బంకు నిర్వాహకులు వినూత్నమైన ఆఫర్ ప్రారంభించారు. తమ వద్ద రూ.250 పెట్రోల్‌ కొంటే.. వారికి ఉచితంగా బిర్యానీ అందిస్తున్నారు. బెంగళూరు ఓల్డ్ మద్రాస్‌ రోడ్డులోని ఇండియన్ ఆయిల్ కార్పొరేషన్‌కు చెందిన శ్రీ వెంకటేశ్వర ఫిల్లింగ్ స్టేషన్‌ ఈ ఆఫర్‌ను ప్రారంభించింది. తమ వద్దకు వచ్చి పెట్రోల్‌ కొనుగోలు చేసే వినియోగదారులకు ఉచితంగా బిర్యానీ అందిస్తుంది. ఈ ఆఫర్‌ అక్టోబర్‌ 6వరకు కొనసాగుతుంది.
Samayam Telugu bengaluru petrol pump offers free food to customers
పెట్రోల్ కొంటే... బిర్యానీ ఫ్రీ!


కానీ డీజిల్‌ కొనుగోలు చేసే వినియోగదారులకు మాత్రం ఈ ఆఫర్‌ వర్తించదు. పెట్రోల్‌ కొనుగోలు చేసిన ధరను బట్టి వినియోగదారులకు టీ, కాఫీ, సమోసా, కుకీస్‌తో పాటు బిర్యానీ ఇస్తున్నారు. ఓ వైపు వాహనానికి ఇంధనం.... మరో వైపు నోరూరించే బిర్యానీ!. ఐఓసీ సహకారంతో ఇటీవలే ఈ పెట్రోల్ బంక్ తమ దగ్గర పెట్రోల్ కొనుగోలు చేసే వినియోగదారులకు అల్పాహారం, స్నాక్స్‌ పైలట్ ప్రాజెక్ట్‌ కింద అందజేస్తున్నారు. దేశంలో తొలిసారిగా ఈ ప్రాజెక్టును సెప్టెంబరు మొదటి వారం నుంచి ప్రారంభించారు. వినియోగదారులకు 24 గంటలు వీటిని అందజేస్తారు.

దీపావళి నాటికి పెట్రోల్, డీజిల్ ధరలు దిగివస్తాయని కేంద్ర పెట్రోలియం, సహజ వాయువుల శాఖ మంత్రి ధర్మేంద్ర ప్రధాన్ ఇటీవలే ప్రకటించారు. అమెరికాను వణికించిన హార్వే, ఇర్మా తుపానుల వల్ల అంతర్జాతీయంగా రిఫైనరీ ఔట్‌పుట్ 13 శాతం పడిపోయిందని, ఈ కారణంగానే ఇంధన ధరలు పెరిగాయని ఆయన తెలిపారు. ఇంధన ధరలు కూడా జీఎస్టీ పరిధిలోకి వస్తే ప్రజలకు ఎంతో మేలు జరుగుతుందని ప్రధాన్ ఆశాభావం వ్యక్తం చేశారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.