ఓటేశాకే అత్తారింటికి వెళ్లిన పెళ్లి కూతురు

కొత్తగా పెళ్లి చేసుకున్న ఓ జంట ఆ వెంటనే సమీపంలోని పోలింగ్ బూత్‌కి వెళ్లి ఓటు హక్కు వినియోగించుకున్న ఘటన ఇది. ప్రస్తుతం 3వ విడత పోలింగ్ జరుగుతున్న ఉత్తర్‌ప్రదేశ్‌లోని ఉన్నవ్ ఇందుకు వేదికైంది. ఉన్నవ్‌కి చెందిన సారికకి ఇవాళే వివాహమైంది. సంస్కృతి, సంప్రదాయాల ప్రకారం ఇంకా పెళ్లి తంతు పూర్తి కాకముందే భర్త రాజేంద్ర శుక్లాతో కలిసి పోలింగ్ బూత్‌కి వెళ్లిన సారిక అక్కడ క్యూలైన్‌లో నిలుచుని మరీ తన ఓటు హక్కు వినియోగించుకున్నారు.

పెళ్లి చేసుకుని అత్తగారింటికి వెళ్లే ముందు తన ఓటు హక్కు వినియోగించుకోవాలన్న ఆమె సామాజిక స్పృహ అభినందనీయం అనే చెప్పుకోవచ్చు.