బిల్లు కట్టకుండా బీఎండబ్ల్యూ కారుతో పరారీ

అతను కోటీశ్వరుడు. పెద్ద బిల్డర్ కొడుకు. అయినా కారు సర్వీసుకు బిల్లు చెల్లించకుండా అక్కణ్నించి ఉడాయించాడు. ఇంతకీ అతనికి వచ్చిన కారు సర్వీసు బిల్లు ఎంతో తెలుసా? అక్షరాలా రూ.8లక్షలు. అవును మరి అతను బీఎండబ్ల్యూ కారు కదా. ఈ ఘటన గుజరాత్‌లోని అహ్మదాబాద్‌లో జరిగింది. చగోడర్ ఏరియాలో బీఎండబ్ల్యూ సర్వీస్ సెంటర్ ఉంది. అక్కడికి ఓ బిల్డర్ కొడుకు తన కారును సర్వీసు కోసం ఇచ్చాడు. సర్వీసింగ్ అయ్యాక రూ.8 లక్షలు బిల్లు వేశారు ఆ సెంటర్ వాళ్లు. ఆ బిల్లుపై బిల్డర్ కొడుకు వారితో గొడవపడ్డాడు. సర్వీసింగ్ సెంటర్ వాళ్లు ఆ మొత్తం కట్టాల్సిందేనని తెగేసి చెప్పారు. దీంతో అతను ఓ రోడ్ టెస్టు చేశాకే ఫీజు చెల్లిస్తానని చెప్పాడు.

సర్వీసింగ్ సెంటర్ వాళ్లు అందుకు ఒప్పుకుని, సలీమ్ అనే తమ ఉద్యోగిని కూడా కారులో కూర్చోబెట్టారు. అక్కణ్నించి కొంత దూరం వచ్చాక బిల్డర్ కొడుకు సలీమ్ ను కారులోనుంచి దిగమని చెప్పాడు. అతను నిరాకరించేసరికి తన సెక్యూరిటీ గార్డును పిలిచి సలీమ్ ను బయటికి తోయించాడు. అక్కడ్నించి కారుతో సహా ఉడాయించాడు. ఈ ఘటనతో ఒక్కసారిగా అవాక్కయ్యారు సర్వీసింగ్ సెంటర్ వాళ్లు.

Read this story in Gujarathi

http:// http://navgujaratsamay.indiatimes.com/ahmedabad/crime/man-rans-away-with-bmw-car-without-paying-8-lakh-rupees-bill-in-ahmedabad/articleshow/56681177.cms?null