అప్పు తీర్చకపోతే... నా కోరిక తీర్చమంటూ...

పేదవారికి రోజుకు రూ.10, అంతకంటే ఎక్కువ వడ్డీకి డబ్బులు ఇవ్వడం వారు తీర్చలేకపోతే వేధింపులకు పాల్పడటం వడ్డీ వ్యాపారులకు ఆనవాయితీగా మారింది. కాల్ మనీ పేరుతో దందాలకు పాల్పడే వడ్డీ వ్యాపారులు వేధింపులకు ఏంతో మంది బలవుతున్నారు. తాజాగా అలాంటి ఘటనే వెలుగు చూసింది. బాకీ చెల్లించు లేకపోతే నా కోరిక తీర్చు అంటూ వేధింపులకు పాల్పడుతున్న వడ్డీ వ్యాపారిపై మెదక్ పోలీసులు కేసు నమోదు చేశారు. పోలీసులు తెలిపిన వివరాల ప్రకారం....మెదక్‌ జిల్లా తూప్రాన్‌ మండలం దమ్మక్కపల్లిలో చిల్ల సంతయ్య అనే వడ్డీ వ్యాపారి నుంచి అదే గ్రామానికి చెందిన దంపతులు రెండేళ్ల కిందట కొంత డబ్బు అప్పు తీసుకున్నారు.

ఆ దంపతులు బాకీ తీర్చలేకపోవడంతో చిల్లయ్య పెద్దల దగ్గర పంచాయతీ పెట్టాడు. కొంత గడువిచ్చిన పెద్దలు బాకీ తీర్చాలని సూచించారు. ఈ క్రమంలో అప్పు ఇచ్చిన మహిళను అడ్డుకున్న సత్తయ్య తన బాకీ తీర్చాలని, లేకపోతే తన కోరిక తీర్చాలని వేధించాడు. లేని పక్షంలో ఆమెను, పిల్లలను చంపేస్తానని బెదిరించాడు. దీంతో బాధితురాలు భర్తతో కలిసి పోలీసులకు ఫిర్యాదు చేసింది. దీనిపై కేసు నమోదు చేసిన పోలీసులు, దర్యాప్తు ప్రారంభించారు.