అమ్మ కోసం పాలకుండల ప్రార్థన

అనారోగ్యంతో ఆసుపత్రిలో చికిత్స పొందుతున్న అన్నాడీఎంకె అధినేత్రి, తమిళనాడు ముఖ్యమంత్రి జయలలిత ఆరోగ్యం కోసం పార్టీ కార్యకర్తలు, ఆమె అభిమానులు కనిపించిన దేవుళ్లందరికీ మొక్కులు మొక్కుకుంటున్నారు. తాజాగా ఆదివారం నాడు వందలాది మహిళలు తమిళనాడు రాజధాని చెన్నై నగరంలో పాలకుండలు చేతబూని అమ్మకోసం ప్రదర్శన నిర్వహించారు. తమిళనాడు మత్స్యశాఖ మంత్రి డి.జయకుమార్ ఆధ్వర్యంలో ఈ కార్యక్రమాన్ని నిర్వహించారు. డీహైడ్రేషన్, జ్వరం లక్షణాలతో జయలలిత గత నెల 22వ తేదీన అపోలో ఆసుపత్రిలో చేరిన సంగతి తెలిసిందే. గత వారం నుండి రాష్ట్రవ్యాప్తంగా పాలకుండల ప్రదర్శనలు, నేలపై అన్నం వడ్డించుకుని తినడం లాంటి పూజాపునస్కారాలు ముమ్మరమయ్యాయి.