అసంపూర్తి తలతో చిన్నారి జననం, ఏలియన్‌గా రూమర్లు!

బిహార్లోని కథిహార్‌లో వింత శిశువు జన్మించాడు. పలుచటి చర్మం, అసంపూర్తిగా ఏర్పడిన తలతో జన్మించిన ఆ శిశువును కొందరు గ్రహాంతరవాసిగా భావిస్తుండగా.. మరి కొందరు హనుమంతుడి అవతారంగా అభివర్ణిస్తున్నారు. అంతీంద్రియ శక్తులతో జన్మించిన శిశువని భావిస్తున్నారు. 35 ఏళ్ల ఖలీదా బేగం అనే మహిళకు సోమవారం రాత్రి ఈ వింత శిశువు జన్మించాడు. పెద్ద కళ్లు, అసంపూర్తిగా ఏర్పడిన తలతో ఉన్న ఆ శిశువును చూసి ఆమె షాకయ్యింది. తొలుత ఆ పిల్లవాణ్ని సాకేందుకు కూడా ఆమె ముందుకు రాలేదు. తల లేకుండా శిశువు జన్మించడాన్ని వైద్య పరిభాషలో అనెన్సిఫలే అని పిలుస్తారు.

ఆ శిశువును చూసేందుకు గ్రామస్తులు ఉత్సాహం చూపుతున్నారు. హనుమంతుడి అవతారంగా ఆ చిన్నారిని భావిస్తున్నారు. లోపాలతో జన్మించిన పిల్లల్ని అతీంద్ర శక్తులున్నవారిగా భావించడానికి ముఖ్య కారణం గ్రామీణుల్లో ఉన్న అవగాహన లోపమే అనే సంగతి తెలిసిందే. ఇలాంటి మెడికల్ డిజార్డర్స్‌తో జన్మించిన వ్యక్తులకు కొన్ని సందర్భాల్లో చికిత్స అందించడానికి కూడా గ్రామస్తులు ముందుకు రావడం లేదు.