బంజారాహిల్స్‌లో బాలయ్య కారు హల్‌చల్

హైదరాబాద్ బంజారాహిల్స్ లో సినీహీరో బాలకృష్ణకు చెందిన కారు హల్‌చల్ చేసింది. మంగళవారం అర్థరాత్రి బాలయ్య పేరుమీద రిజిస్ట్రర్ అయిన కారు ఏపీ 02 ఏవై 0001, బసవ తారకం కేన్సర్ ఆసుపత్రి సమీపంలోని ప్రధాన రహదారి పక్కన ఉన్న కరెంటు స్తంభాన్ని ఢికొట్టింది.


అయితే సంఘటన అర్థరాత్రి జరగడం, రోడ్డుపై జనం ఎవరూ లేకపోవడంతో ఎవరికీ ప్రమాదం జరగలేదు. అయితే ప్రమాదం జరిగినప్పుడు ఆ కారులో బాలయ్య లేనట్లు సమాచారం. ప్రమాదం చోటుచేసుకున్న వెంటనే కారు డ్రైవర్ సహా అందులో ప్రయాణిస్తున్నవారు కారును అక్కడే వదిలేసి పారిపోయినట్లు పోలీసులు గుర్తించారు.