మంత్రి టిప్పును తిరస్కరించిన చర్మకారుడు

కేంద్రమంత్రి స్మృతి ఇరానీకి ఓ చర్మాకారుడు షాకిచ్చాడు. అది అలాంటిలాంటి షాక్ కాదు. ఆమె ఆశ్చర్యపోయేంత షాక్ అది. ఆ షాక్ కు ఆమె ముచ్చటపడ్డారు.

ఇంతకీ ఆ షాక్ ఏమిటంటే..
శనివారం తమిళనాడులోని కోయంబత్తూర్ లో ఉన్న ఇషా ఫౌండేషన్ నిర్వహించే కార్యక్రమానికి స్మృతి ఇరానీ ముఖ్య అతిథిగా పాల్గొనాల్సి ఉంది. మధ్యాహ్నాం 2.30గంటలకు కోవై విమానాశ్రయానికి చేరుకున్న ఆమె..ఇషా ఫౌండేషన్ కు వెళ్తున్న మార్గమధ్యలో చెప్పు తెగింది. దీంతో16 కిలోమీటర్లు ప్రయాణించాక పెరూర్ సమీపంలో ఒక చర్మకారుడి షాపు దగ్గర ఆమె ప్రయాణిస్తున్న కారు ఆపారు.

దీంతో ఆమె కారు దిగి..తన తెగిన చెప్పును కుట్టించుకుంది. చెప్పు కుట్టడం అయ్యాక...స్మృతి....ఆ చర్మకారుడికి..రూ.100నోటు ఇచ్చారు. అయితే చెప్పు కుట్టినందుకు రూ.10 మాత్రమే ఇవ్వాలని అతను ఆమెను కోరాడు.

‘మిగతా రూ.90 టిప్పుగా తీసుకో’ అని మంత్రి చెప్పి అక్కడి నుంచి బయలుదేరబోతుండగా...అతడు ఆమె వారించాడు.

‘తగిన పని చేయకుండా అధికంగా సొమ్ము తీసుకుంటే పాప తగులుతుందమ్మా’ అంటూ....ఆ చెప్పును తీసుకొని చుట్టురా పూర్తిగా కుట్లు వేసి..‘ఇక తెగిపోదమ్మా’ అంటూ చెప్పును ఆమెకిచ్చాడు.

చర్మకారుడి నిజాయితీని మంత్రి స్మృతి మెచ్చుకోకుండా ఉండలేకపోయారు.

ఇప్పుడీ సంఘటన సోషల్ మీడియాలో వైరల్ అయ్యింది.