విమానంలో ‘బొద్దింక భోజనం’

ఎయిర్ ఇండియా విమానంలో చికాగో వెళ్తున్న ఓ ప్రయాణికుడికి వింత అనుభవం ఎదురైంది. ఎయిర్‌లైన్స్ సిబ్బంది తనకు పెట్టిన భోజనంలో బొద్దింక దర్శనమిచ్చింది. దీంతో షాక్ తిన్న ప్రయాణికుడు భోజనంలో చనిపోయిన బొద్దింక ఫొటోని ట్విట్టర్‌లో పోస్ట్ చేశాడు. హైదరాబాద్ నుంచి న్యూఢిల్లీ మీదుగా చికాగో వెళ్తున్న ఎయిర్ ఇండియా విమానంలో ఈ ఘటన చోటుచేసుకుంది.

‘ఏఐ127లో ఎయిర్ ఇండియా వెజిటేరియన్స్ మీల్స్‌తో బొద్దింకను కూడా వడ్డిచ్చింది’ అని రాహుల్ రఘువంశీ అనే ప్రయాణికుడు ట్వీట్ చేసాడు. ఆయనకి కలిగిన అసౌకర్యానికి ఎయిర్ ఇండియా క్షమాపణలు చెప్పింది.
.@airindiain now serves cockroach for vegetarian meals on AI127 #sicktomystomach #traumatized #cockroachinfood pic.twitter.com/SX1DR2Cufy — Rahul Raghuvanshi (@BostonNewsHound) November 16, 2016
ఈ ఘటనపై ఎయిర్ ఇండియా కార్పోరేట్ కమ్యూనికేషన్స్ సీనియర్ మేనేజర్‌ను సంప్రదించగా.. దీన్ని చాలా సీరియస్‌గా తీసుకున్నామని, కేటరర్‌కి వెంటనే నోటీస్ ఇచ్చామని చెప్పారు. తదుపరి విచారణ జరుగుతోందన్నారు.