నాన్నమ్మకు నడి ఊళ్లోనే దహన సంస్కారాలు!

అతడు చెత్తా చెదారం ఏరుకొని జీవన సాగిస్తుంటాడు. అప్పుడప్పుడు చిన్నపాటి బొమ్మలు అమ్ముతుంటాడు. రోడ్డు పక్కనే ఓ గుడారం వేసుకొని నాన్నమ్మతో కలిసి ఉంటున్నాడు. అనారోగ్యానికి గురైన నాన్నమ్మకు చలి తీవ్రత తోడవ్వడంతో బుధవారం చనిపోయింది. ఆమెకు దహన సంస్కారాలు చేద్దామనుకున్న మనవడు..స్మశానం కోసం తిరిగాడు. తానుంటున్న చర్చి పెద్దల్ని కలిశాడు. చర్చికి చెందిన స్మశానంలో సమాధి చేయడానికి ససేమిరా అన్నారు పెద్దలు. ఊరు స్మశానంలో దహన సంస్కారాలు కుదరదన్నారు. దీంతో చేసేది లేక శవానికి ఊళ్లోనే ఓ ప్రదేశంలో దహన సంస్కారాలు నిర్వహించాడు. విషయం తెలుసుకున్న పోలీసులు ఎంటరయ్యారు...

ఈ హృదయ విదారక సంఘటన తమిళనాడులోని వాలదిలోని నెరుసలాకుడిలో చోటు చేసుకుంది.
మురుగేసన్ (45) తన దగ్గరే ఉండే నాన్నమ్మ మరియమ్మల్ (75) బుధవారం చనిపోయింది. అయితే మృతదేహాన్ని తన సొంతూరు వేలకన్ని తీసుకెళ్లేందుకు డబ్బులు లేక తానుంటున్న నెరుసలకూడి ఊరి పెద్దలను కలిశాడు. తన పరిస్థితి వివరించాడు. అయినా వాళ్లు కాదన్నారు.


దీంతో చేసేది లేక ఊళ్లోనే ఓ ప్రదేశంలో నాన్నమ్మ శవానికి దహన సంస్కారాలు ప్రారంభించాడు. కట్టె పుల్లలు, ఎండి ఆకులతో తగులబెట్డడం మొదలుపెట్టాడు. విషయం తెలుసుకున్న ఊరి ప్రజలు పోలీసులకు ఫిర్యాదు చేశారు.

రంగంలోకి దిగి లాల్గుడి పోలీసులు సంఘటన స్థలానికి చేరుకునేసరికి డెడీ బాడీ సగం కాలిపోయింది. అయినా అక్కడు నుంచి శవాన్ని తరలించి..ఊరి పెద్దలను ఒప్పించి.. శాస్త్రబద్ధంగా దహన సంస్కారాలు జరిగేలా చూశారు. అంతేకాదు దగ్గరుండి ఆ ములాసమే డెత్ సర్టిఫికేట్ కూడా ఇప్పించారు.

చర్చి పెద్దలు, ఊరి ప్రజలు కాదన్నా..పోలీసులు మాత్రం మానవత్వం స్పందించి సాయం చేసినందుకు మురుగేషన్ వాళ్లకు కృతజ్ఞతలు చెప్పాడు.