బాబోయ్.. వచ్చే జన్మలో ఇలాంటి పెళ్లాం చస్తే వద్దు: వట సావిత్రి వ్రతం చేసిన భర్త

తమ భర్త ఆయురారోగ్యాలతో జీవించాలని, పూర్ణ ఆయుష్కుడు కావాలని, జన్మ జన్మలా తనే భర్తగా రావాలని కోరుతూ హిందూ స్త్రీలు వట సావిత్రి వ్రతం చేస్తారు. కానీ భార్య ప్రవర్తనతో విసిగిపోయిన ఓ భర్త మాత్రం మరో జన్మలో తనకు ఇలాంటి భార్య రావొద్దని కోరుకుంటూ.. వట సావిత్రి వ్రతం చేశాడు. ఈ ఘటన కర్ణాటకలోకి చిక్కోడిలో చోటు చేసుకుంది. వట పూర్ణిమకు ముందు రోజు శశిధర్ రామచంద్ర కొపర్డే అనే వ్యక్తి మంగళవారం ఈ వ్రతం చేశాడు.

భార్యా బాధిత సంఘంలా భావించే ‘పురుష్ సాంత్వన్ కేంద్ర’ను శశిధర్ రామచంద్ర కొపర్డే నడుపుతున్నాడు. భార్యల వేధింపులు భరించలేని భర్తలంతా ఇక్కడొక్కచ్చి తమ గోడు వెళ్లబోసుకుంటారన్న మాట.

ఎందుకయ్యా ఈ వ్రతం అని అడిగితే.. ‘‘మా ఆవిడ నా మీద తప్పుడు కేసులు పెట్టి వేధిస్తోంది. అదనపు కట్నం కావాలని డిమాండ్ చేస్తున్నానని నాతోపాటు, మా అమ్మానాన్నాలపై నిందలు మోపింది. వచ్చే జన్మలో నేను బ్రహ్మచారిగానే బతుకుతా, బ్రహ్మచారిగానే చస్తాను. ఇలా సమస్యలు సృష్టించే భార్య మాత్రం వద్దు. అందుకే మర్రి చెట్టుకు దారం కట్టి సంప్రదాయ బద్దంగా పూజ చేశాన’’ని తన గోడు చెప్పుకొచ్చాడు.

Read This Story in Kannada