ఆ దేశంలో డ్రగ్స్ తీసుకుంటే శిరచ్ఛేదమే

డ్రగ్స్ వ్యవహారం తెలుగు రాష్ట్రాల్లో పెను ప్రకంపనలు సృష్టిస్తోంది. అయితే దీనిపై ఎక్సైజ్ అధికారులు క్రీయాశీలకంగా వ్యవహరించినా, డ్రగ్స్ తీసుకున్నవారికి శిక్షలు మాత్రం పడే అవకాశం చాలా తక్కువ. ఎందుకంటే మన రాజ్యాంగంలో దీని గురించి అంత కఠిన చట్టాలు లేవు. డ్రగ్స్ తీసుకోవడంపై సౌదీఅరేబియా మినహా మరే దేశంలోనూ కఠినమైన శిక్షలు అమలులో లేవు. ఆ దేశంలో డ్రగ్స్ సేవిస్తే బహిరంగంగా, నడి రోడ్డుపై శిరచ్ఛేదం అమలు చేస్తారు. తక్కువ మోతాదులో డ్రగ్స్ తీసుకునే వారికి కౌన్సిలింగ్ ఇచ్చి మార్చే ప్రయత్నం చేస్తారు. అమెరికాలో మాత్రం జైలు శిక్ష పడుతుంది. మిగతా దేశాల్లో మాత్రం అది ఒక దురాలవాటు మాత్రమే. అందుకే దీన్ని ఓ అనారోగ్య సమస్యగా భావించి, చికిత్స అందజేన్నారు.

పోర్చుగల్‌లో మాత్రం పూర్తిగా డ్రగ్ వినియోగం, విక్రయాలపై నిషేధం ఉంది. ఎవరైనా డ్రగ్స్‌‌కు బానిసగా మారితే వారిని ఆ వ్యసనం నుంచి బయటపడేయడానికి ప్రభుత్వమే సహకరిస్తుంది. 2000 సంవత్సరం నుంచి దీన్ని అమలు చేస్తున్నారు. చైనాలోనూ మాదక ద్రవ్యాలను మూడేళ్ల పాటు నిర్బంధంగా ‘డీటాక్సిఫికేషన్‌’ కేంద్రాలకు పంపుతారు. అయితే డ్రగ్స్ రవాణా విషయంలో చైనా, ఇరాన్, ఇండోనేసియాలది ఒకటే విధానం. ఇక్కడ డ్రగ్స్ అక్రమ రవాణాకు పాల్పడేవారికి మరణశిక్ష విధించి, అమలు చేస్తారు. డెన్మార్క్, నెదర్లాండ్స్, చెక్ రిపబ్లిక్‌లో మాత్రం డ్రగ్స్ వినియోగం పెద్ద నేరం కాదు.

ఉరుగ్వేలో వీటిపై ఎలాంటి నిషేధం లేదు. 2013లో మారిజూనాను చట్టబద్దం చేసి ప్రపంచంలోనే తొలి దేశంగా రికార్డులకు ఎక్కింది. ఇక్కడి ఔషధాల దుకాణాల్లో ఒక్కొక్కరు నెలకు 40 గ్రాముల వరకు గంజాయి కొనుగోలు చేయవచ్చు. అంతేకాదు ‘కానబిస్‌ క్లబ్‌’లోని సభ్యులు తమ ఇళ్లలో స్వయంగా ఆరు గంజాయి మొక్కలను పెంచుకోవచ్చుని తెలిపింది. స్పెయిన్‌ అయితే ఏకంగా తమ దేశంలో డ్రగ్స్‌ను వినియోగించుకోవచ్చని, దీనిపై ఎలాంటి నిబంధనలు లేవని సగర్వంగా ప్రకటించింది. అభివృద్ధి చెందిన దేశాల్లో ఒకటైన జపాన్‌ మాత్రం డ్రగ్స్ విషయంలో కఠినమైన చట్టాలను అవలంభిస్తోంది.