టూరిస్టులకి చుక్కలు చూపించిన ఏనుగు

అడవులకి వెళ్లిన వారిని ఏనుగులు వెంబడించడం, కొంత దూరం వరకు తరిమి కొట్టడం వంటి సన్నివేశాలని అప్పుడప్పుడు సినిమాల్లో చూస్తూ వుంటాం. కానీ నిజంగానే అటువంటి ఘటనలు ఎదురైతే ఆ రియల్ సీన్‌లో వున్న వారి పరిస్థితి ఏంటి ? ప్రాణాలు అరచేతిలో పెట్టుకుని బతుకుజీవుడా అంటూ వెనక్కి తిరిగిచూడకుండా పారిపోవాల్సిందే. సరిగ్గా అటువంటి ఘటనే ఎదురైంది ఉత్తరాఖండ్‌లోని రాంనగర్ జిమ్ కార్బెట్ నేషనల్ పార్క్‌కి వెళ్లిన ఈ టూరిస్టులకి.

ఈ వీడియోలో కనిపిస్తున్న ఈ ఏనుగుతో ఏం పరాచికాలాడారో ఏమో తెలీదు కానీ... అది ఆగ్రహంతో వారిని కొంతదూరం వరకు వెంబడించింది. ఏనుగు చేతికి చిక్కితే ఏమై పోయే వారో కానీ పోనివ్వు.. పోనివ్వు.. అంటూ జీపుని ముందుకు పోనిచ్చి బతికిపోయారు. జిమ్ కార్బెట్ నేషనల్ పార్క్‌లో ఏ టూరిస్టులకైతే ఈ చేదు అనుభవం ఎదురైందో... వారి కెమెరాకే చిక్కిన ఈ ఏనుగు చేజింగ్ సీన్‌పై మీరూ ఓ లుక్కేయండి మరి!