ఆర్టీసీ బస్సులో మాజీ సీఎం ప్రయాణం

ఆయన కేరళ మాజీ సీఎం. కోరుకుంటే ఏసీ కారులో ప్రయాణం చేయగలరు. కానీ సాధారణ ప్రయాణికుడిలా ఆర్టీసీ బస్సులో ప్రయాణించి అందిరనీ ఆకర్షించారు. ఆయన కేరళ మాజీ సీఎం ఊమెన్ చాందీ. ఆయన ఎక్కాల్సిన రైలు వెళ్లిపోయింది. దీంతో ఆయన కొల్లం నుంచి తిరువనంతపురం వరకు వెళ్లేందుకు ఆర్టీసీ బస్సును ఆశ్రయించారు. వెంట కార్లు ఉన్నా కూడ అందులో వెళ్లేందుకు తిరస్కరించారు. తనకు బస్సులో ప్రయాణమంటే చాలా ఇష్టమని, కానీ పదవిలో ఉండడం వల్ల కుదరలేదని చెప్పారు. ఇక నుంచి అప్పుడప్పుడు ఇలా సాధారణ ప్రయాణికుడిలా ఆర్టీసీలో వెళ్తుంటానని చెప్పారు. బస్సులో ఉన్న ఇతర ప్రయాణికులు అతనితో సెల్ఫీలు తీసుకున్నారు. ఈ ఏడాది మేలో జరిగిన అసెంబ్లీ ఎన్నికల్లో కాంగ్రెస్ నాయకత్వంలోని యూడీఎఫ్ సంకీర్ణం ఓడిపోయిన సంగతి తెలిసిందే. దీంతో ఊమెన్ చాందీ మాజీ సీఎం అయ్యారు.