మగాడు కాదన్న భార్య, సెక్స్ చేస్తున్న వీడియోను అత్తమామలకు పంపిన హైదరాబాదీ

తన భర్త నంపుసకుడు అనే కారణం చూపి విడాకులు తీసుకోవాలనుకుంటున్న భార్యకు ఓ హైదరాబాదీ షాకిచ్చాడు. మరో మహిళతో తాను శృంగారంలో పాల్గొన్న వీడియోను అత్తమామలకు పంపాడు. ఐదు నిమిషాల నిడివి ఉన్న ఆ వీడియోను చూసిన వారు బిత్తరపోయి పోలీసులకు ఫిర్యాదు చేశారు. వివరాల్లోకి వెళ్తే.. హైదరాబాద్‌లోని ఎల్బీ నగర్‌కు చెందిన విబవసు(32)కి చెన్నైలోని కొడుంగయూర్‌ ప్రాంతానికి చెందిన అనూషతో 2016లో పెళ్లయ్యింది.

పెళ్లయిన 15 రోజులకే అనూష పుట్టింటికి వచ్చేసింది. తన భర్తకు మగతనం లేదని, అతడితో కలిసి ఉండటం సాధ్యం కాదని తేల్చి చెప్పింది. పెళ్లి కుదిర్చిన పెద్దలే వీరిని తిరిగి కలపడానికి ప్రయత్నించారు, కానీ వీలుపడలేదు. భర్త నంపుసకుడనే కారణంతో అనూష ఫ్యామిలీ కోర్టులో విడాకులకు దరఖాస్తు చేసింది. దీన్ని అవమానంగా భావించిన విబవసు తనపై భార్య చేసిన ఆరోపణలు తప్పని నిరూపించుకోవాలని అనుకున్నాడు.

మరో మహిళతో అతడు శృంగారంలో పాల్గొంటుండగా.. మూడో వ్యక్తి దాన్ని వీడియో తీశాడు. తర్వాత ఆ వీడియోను తన భార్య తండ్రికి, అత్తకు పంపించాడు. వేధింపులు, అశ్లీల వీడియోను పంపడం తదితర కారణాలు చూపుతూ పోలీసులు విబవసుపై కేసు నమోదు చేశారు. దంపతులకు వేర్వేరుగా పోలీసులు కౌన్సెలింగ్ నిర్వహించగా.. వారిద్దరి మధ్య పెళ్లికి ముందు నుంచే సరైన సంబంధాలు లేవని, పెళ్లయ్యాక కొద్ది రోజులకే గొడవలయ్యాయని చెప్పారు. పెళ్లయినా తాము శారీరకంగా కలవలేదని విబవసు పోలీసులకు తెలిపాడు.