కిడ్నాపైన కొడుకును రక్షించున్న తండ్రి!

కిడ్నాపైన తన కొడుకు కోసం ఆ తండ్రి వెతకని ప్రాంతం లేదు. పోలీసులకు ఫిర్యాదు చేసినా ఫలితం లేదు. ఇక దొరకడేమో అని ఆశలు వదిలేసుకుని అతడి జ్ఞాపకాలతో గడిపేస్తున్న ఆ తండ్రికి తొమ్మిది నెలల తర్వాత అకస్మాత్తుగా తన కొడుకు కనిపిస్తే? అచ్చం సినిమా కథను తలపించే ఈ ఘటన చైనాలోని కింగ్జిన్‌‌లో చోటు చేసుకుంది. చెంగ్ జైఫూ అనే ఆరేళ్ల బాలుడు తమ అత్తతో ఉంటున్నాడు. ఒక రోజు గుర్తు తెలియని దుండగులు అతడిని కిడ్నాప్ చేశారు. దీంతో, చెంగ్ తండ్రి చెన్ జోంగోంగ్ కొడుకు ఆచూకీ కోసం ఎంత ప్రయత్నించినా ఫలితం దక్కలేదు.

తొమ్మిది నెలల తర్వాత చెంగ్‌కు.. ఓ షాపింగ్ మాల్ వద్ద తన కొడుకు ముగ్గురు వ్యక్తుల చెరలో కనిపించాడు. వెంటనే తండ్రి చెన్ వారి నుంచి తన కొడుకును లాగేసుకుని అక్కడే ఉన్న పోలీసులకు చెప్పాడు. పోలీసులు వెంటనే ఆ దుండగులను అరెస్టు చేశారు. చెన్ తన కొడుకును విడిపించుకుని తీసుకెళ్తున్న ఘటన షాపింగ్ మాల్‌లోని సీసీటీవీ కెమేరాల్లో రికార్డయ్యింది.