ఇందిరను క్యాస్ట్రో ప్రేమతో హత్తుకున్న వేళ...

క్యూబా కమ్యూనిస్టు యోధుడు ఫిడెల్ క్యాస్ట్రో శనివారం తుదిశ్వాస విడిచిన సంగతి తెలిసిందే. ఫిడెల్ క్యాస్ట్రో నెహ్రూ గాంధీ కుటుంబానికి చాలా సన్నిహితంగా ఉండేవారు. ఇందిరాగాంధీని సోదరిగా పిలిచేవారు. 1983 మార్చిలో ఆయన ఓసారి ఇండియా వచ్చారు. న్యూఢిల్లీలో జరుగుతున్న శిఖరాగ్ర సదస్సుకు ఆయన హాజరయ్యారు. అనేక దేశాల ప్రజలు ఈ సదస్సుకు హాజరయ్యారు. 1979లో జరిగిన సదస్సు బాధ్యతలు క్యాస్ట్రో చూడగా, 1983లో ఇందిరాగాంధీకి ఆ అవకాశం దక్కింది. పోడియం మీదకు వచ్చిన ఇందిరాగాంధీకి సదస్సు నిర్వహణ బాధ్యతలను క్యాస్ట్రో అందించాలి. సింబాలిక్ గా సుత్తిని తలపించే జ్ఞాపికను అందించేందుకు ఏర్పాటు చేశారు. దానిని అందుకునేందుకు ఇందిరా గాంధీ చేయి చాచినప్పటికీ క్యాస్ట్రో ఇవ్వకుండా ఆటపట్టించారు. మూడో సారి చేయిచాపిన ఆమెను నవ్వును కౌగిలించుకున్నారు. సోదరి లాంటి ఇందిరకు బాధ్యతలు అప్పజెప్పడం చాలా ఆనందంగా ఉందని తెలిపారు.ఇందిరాగాంధీ పలకరించడానికి రాగానే ఆమెను ఆత్మీయంగా కౌగిలించుకున్నారు. చుట్టూ ఉన్న వారు ఆశ్చర్యానికి గురయ్యారు. భారత్ లో ఫిడెల్ చివరి పర్యటన అదే.

When Fidel Castro Gave A Bear Hug To A Surprised Indira Gandhi