ఏ ఏటీఎంలో డబ్బులున్నాయో తెలుసుకోండిలా..

కేంద్ర ప్రభుత్వం రూ. 500, రూ. 1000 నోట్లను రద్దు చేయడంతో సామాన్యులు తీవ్ర ఇబ్బందులు ఎదుర్కొంటున్నారు. తమ వద్ద ఉన్న పెద్ద నోట్లను మార్చుకోడానికి బ్యాంకులు, పోస్టాఫీసుల ముందు క్యూ కడుతున్నారు. అలాగే తమ అకౌంట్లో ఉన్న డబ్బులు డ్రా చేసుకోడానికి ఏటీఎంల ముందు బారులు తీరుతున్నారు. దీంతో ఎప్పుడు ఏటీఎంకి వెళ్లినా దానిలో క్యాష్ లేకపోవడమో, ఏటీఎం మూసుకొని ఉండటమో జరుగుతోంది.

ఈ పరిస్థితి నుంచి విముక్తి పొందడానికి ఒక కొత్త వెబ్‌సైట్ సేవలందిస్తోంది. దీని ద్వారా మీకు దగ్గర్లో ఉన్న ఏటీఎంలో డబ్బులు ఉన్నాయా, లేవా అనే విషయాన్ని తెలుసుకోవచ్చు. డెస్క్‌టాప్‌ లేదా మొబైల్ ఫోన్‌లో ఈ వెబ్‌సైట్‌ను ఓపెన్ చేసి మీ పిన్‌కోడ్ ఇవ్వాలి. వెంటనే మీ ప్రాంతంలో ఉన్న అన్ని ఏటీఎంల వివరాలు అందులో దర్శనమిస్తాయి. అంతేకాకుండా వాటిలో క్యాష్ ఉందా, లేదా అనే విషయాన్ని కూడా పక్కన చూపెడుతుంది. ఇంతకీ ఆ వెబ్‌సైబ్ ఏంటో తెలుసా.. cashnocash.com

ఈసారి డబ్బుల కోసం మీరు ఏటీఎంకి వెళ్లే ముందు ఈ వెబ్‌సైట్ ద్వారా క్యాష్ ఉన్న ఏటీఎంలేవో తెలుసుకోండి. వెంటనే అక్కడి వెళ్లి డబ్బులు డ్రా చేసుకోండి.