‘గాలి’ కూతురి పెళ్లిపై ఐటీ శాఖ నజర్!

కర్ణాటకకు చెందిన గనుల వ్యాపారి గాలి జనార్థన్ రెడ్డి కూతురు బ్రహ్మణి పెళ్లి ఇవాళ (బుధవారం) బెంగళూరులో అంగరంగ వైభంగా జరుగుతోంది.

పెళ్లి ఆహ్వాన పత్రికనే రూ.5కోట్లతో ఎల్సీడీలతో రూపొందించిన జనార్థన్ రెడ్డి...పెళ్లికి రూ. వందల కోట్లు ఖర్చు చేస్తున్నారు.

పెళ్లికి దేశవ్యాప్తంగా అతిరథమహారధులను ఆహ్వానించారు. ఒకవైపు పెద్ద నోట్లు (రూ.500, రూ.1000) రద్దు చేసినా...పెళ్లి ఖర్చులో ఏమాత్రం వెనకాడకుండా జాగ్రత్తపడ్డారు.

వీపీఐలు, సెలబ్రిటీలతోపాటు అభిమానులు, ప్రజలు మొత్తం 50000 మంది ఈ పెళ్లికి హాజరవుతున్నట్లు సమాచారం.

పెళ్లికి వచ్చే బంధువులు, ఇతర ప్రముఖులకు రక్షణగా 3000మంది బౌన్సర్లను నియమించారు. దీనికితోడు 300పైగా పోలీసులు బందోబస్తు కల్పిస్తున్నారు.

గాలి జనార్థన్ రెడ్డి కూతురు పెళ్లి కోసం ఇంత డబ్బు ఎక్కడి నుంచి తెచ్చాడని, ఖర్చుపై వివరాలు ప్రజలకు తెలియాలని సమాచార హక్కు చట్టం కార్యకర్త నర్సింహ్మా మూర్తి ఆదాయపన్ను శాఖ అధికారులకు ఫిర్యాదు చేశారు.

గనుల కుంభకోణంలో 40 నెలలపాటు జైళ్లో ఉన్న వ్యక్తికి ఇన్ని వందల కోట్లు ఎక్కడి నుంచి వచ్చాయో విచారణ చేపట్టాలని ఆయన ఐటీ అధికారులను కోరారు.