రోడ్డుపై ట్రాఫిక్ జామ్ చేసిన సింహాల మంద

ఒకటి కాదు.. రెండు కాదు.. ఏకంగా 12 సంహాలు హైవేపై రోడ్డు దాటుతుండగా కెమెరాకి చిక్కిన దృశ్యం ఇది. 12 సింహాలు ఇలా మందలా ఒకేసారి, ఒకే ప్రాంతంలో కెమెరాకి చిక్కడం అనేది ఓ అరుదైన దృశ్యం. రోడ్ క్రాస్ చేస్తున్న సంహాల మందని వాహనదారులు అలా చూస్తూ నిల్చుండిపోవడంతో ఆ హైవేపై కొంత ట్రాఫిక్ జామ్ అయింది. దర్జాగా రోడ్డు దాటుతున్న సింహాల మందని అటుగా వచ్చిన వాహనదారులు తమ మొబైల్ కెమెరాల్లో బంధించేందుకు పోటీపడుతూ కనిపించారు. గుజరాత్‌లోని అమ్రెలీ జిల్లాలో అమ్రెలీ హైవేపై ఈ దృశ్యం ఆవిష్కృతమైంది.

సాధారణంగా దట్టమైన అభయారణ్యాల్లో మాత్రమే కనిపించే సింహాల మంద ఇలా తమ ప్రాంతంలో హైవేపైకి రావడం చూసి షాక్ తినడం స్థానికుల వంతయ్యింది.