తండ్రి కాబోతున్న భజ్జీ

ఇండియన్ స్టార్ క్రికెటర్ హర్భజన్ సింగ్ త్వరలో తండ్రి కాబోతున్నారు. బాలీవుడ్ నటి గీతా బస్రాను గతేడాది ఆయన ప్రేమ వివాహం చేసుకున్న సంగతి తెలిసిందే. గీతా-భజ్జీలు త్వరలో తల్లిదండ్రులు కాబోతున్నారంటూ... వారి కుటుంబసభ్యులు తెలిపారు. ఐపీఎల్ ప్రారంభోత్సవ కార్యక్రమానికి క్రికెటర్లు తమ భార్యలను తీసుకొచ్చారు. భజ్జీ కూడా గీతాను తీసుకొచ్చారు. గీతా కాస్త వదులుగా ఉన్న డ్రెస్ వేసుకుంది. ఎత్తు చెప్పులు వేసుకోకుండా పాదాలకి కంఫర్ట్‌గా ఉండే స్నీకర్స్ వేసుకుంది. ఆమె పొట్టని చూస్తే... ప్రెగ్నెంట్ అనే విషయం అర్థమైపోతోంది.

కాగా ఈ ఏడాది గీతా-భజ్జీలతో పాటూ జెనీలియా-రితేష్, షాహిద్-మీరాలు కూడా తల్లిదండ్రులు కాబోతున్నారు. జెనీలియా-రితేష్ లకు ఇప్పటికే ఏడాదిన్నర బాబు ఉన్నాడు. జెన్నీ మళ్లీ గర్భం దాల్చింది. కాగా షాహిద్ భార్య మీరా కూడా గర్భవతే. ఆమెకి మూడో నెల కూడా నిండిపోయింది.