యాసిడ్ బాధితుల కేఫ్‌కు బ్రిటిష్ నటుడు

యాసిడ్ బాధితులు నడుపుతున్న దేశంలోని ఏకైక కేఫ్‌ ఆగ్రాలోని షేరోస్ హ్యంగ్అవుట్‌ను బ్రిటిష్ నటుడు జాసన్ ఐజాక్స్ రహస్యంగా సందర్శించాడు. హారీప్యాటర్ సినిమాలో ల్యుసిస్ మాల్ఫే పాత్రతో ప్రేక్షకులకు చేరువైన జాసన్ తన భార్య, ఇద్దరి కూమార్తెలతో కలిసి బుధవారం కేఫ్‌కు వచ్చాడు. కేఫ్‌లోకి వచ్చిన తర్వాత ఫుడ్ ఐటమ్స్ ఆర్డర్ ఇచ్చి, విధులు నిర్వహిస్తున్న యాసిడ్ బాధిత మహిళలందరితోనూ మాట్లాడారు. ఆటోరిక్షాలో వచ్చిన ఐజాక్స్‌ను ఎవరూ గుర్తించలేదు, అతని బ్యాగులో నుంచి పిల్లి బయటకు రావడంతో గమనించిన ఒకరు ఆయణ్ని ఐజాక్స్‌గా గుర్తించారు. తర్వాత షోరోస్ సిబ్బందితోపాటు ఇతరులతోనూ కలిసి ఆయన ఫోటోలు దిగారు. అలాగే వారికి హ్యారీప్యాటర్ పుస్తకాలను బహుకరిస్తానని కూడా చెప్పారు. ఈ కేఫ్‌కు వచ్చిన విషయం గురించి ఆయన ట్విట్టర్‌లో కూడా ట్వీట్ చేశారు. అలాగే మరోసారి ఇక్కడ వస్తానని తెలిపారు. ఎవరొచ్చారో మాకు తెలీదు, మా సభ్యులు అతనికి స్వాగతం పలికి సీట్లో కూర్చోబెట్టారు....ఉదయం నుంచి ఏమీ తినలేదు, ఆకలిగా ఉందని ఐజాక్స్ చెప్పారని షేరోస్‌లో పనిచేసే రీతు అనే మహిళ తెలిపింది. తాజ్‌మహల్ సందర్శించి ఇక్కడకు వచ్చానని తమతో అన్నారని ఆ మహిళ తెలిపారు. సంప్రదాయ భారతీయ వంటకాలనే ఆర్డర్ చేశారు. వీటిలో పప్పు, చపాతీ, ఆలూ గోబీ, ఉల్లి పకోడీ, వెజిటెబుల్ బిర్యానీ తిన్నారు. మాకు ఎవరికీ ఆయన గురించి ఫలానా అని చెప్పలేదని రీతూ అన్నారు. అంత పెద్ద నటుడైనా ఎలాంటి గర్వం లేకుండా మాతో కలిసిపోయారని ఆమె తెలిపారు.

India stuns me witless. Yesterday we ate here. It's run by magnificent acid attack survivors https://t.co/eVWUovVbcChttps://t.co/729cMiu0A2 pic.twitter.com/CjeNUjfU1l — Jason Isaacs (@jasonsfolly) October 18, 2016