ఇంతపెద్ద వడగండ్లు ఎప్పుడైనా చూశారా?

సాధారణంగా వడగండ్లు చిన్న గోళీ ఆకారంలో ఉంటాయి. క్రికెట్ బాల్ సైజులో ఉన్న వడగండ్లను కూడా చాలా మంది చూసుంటారు. కానీ కర్ణాటకలోని కొలార్ జిల్లాలో మంగళవారం పడిన వడగండ్ల లాంటి వాటిని ఇప్పటి వరకు మీరు చూసే అవకాశమే లేదు. అవును.. ఐస్ ఫ్యాక్టరీలో తయారుచేసే పెద్ద దిమ్మల సైజులో అక్కడ వడగండ్లు పడ్డాయి. దీంతో స్థానికులు తీవ్ర భయాందోళనకు, ఆశ్చర్యానికి గురయ్యారు.

ఈ భారీ వడగండ్ల కారణంగా ప్రజలకు ఎలాంటి ప్రమాదం జరగలేదు. అయితే మామిడి రైతులు విపరీతంగా నష్టపోయారు. అలాగే నర్సరీలు కూడా పూర్తిగా ధ్వంసమయ్యాయి. కొలార్ జిల్లాలోని కొన్ని గ్రామాల్లో పడిన ఈ వడగండ్లను అక్కడి యువకులు పట్టుకుని ఫొటోలు దిగారు. వీటిని సోషల్ మీడియాలో పోస్ట్ చేస్తున్నారు. వాటిని మీరూ చూడండి..