ప్రపంచంలోనే పర్ఫెక్ట్ పేస్ ఇదే!

మీరు పక్కన ఫొటోలో చూస్తున్నది ప్రపంచంలోనే పర్ఫెక్ట్ ఫేస్. ఇంతకూ ఈమెది ఏ దేశం, ఎక్కడ ఉంటుంది.. అనే ప్రశ్నలు వేయాలనుకుంటున్నారా? కాస్త ఆగండి. ఈ సుందరి ఓ కల్పన మాత్రమే. ఫేషియల్‌ కాస్మొటిక్‌ సర్జన్‌‌గా మంచి గుర్తింపు పొందిన డాక్టర్‌ జూలియన్‌ డిసిల్వా ఈ ముఖాన్ని రూపొందించారు. ఆయన్ను కలిసిన వారిలో చాలా మంది ప్రపంచంలోనే పర్ఫెక్ట్ ఫేస్ ఏదో చెప్పాలని పదే పదే కోరుతుండటంతో ఇలా ఓ సుందరి రూపాన్ని తయారు చేశారు. ఆమె ముఖంలోని ఒక్కో భాగాన్ని ఒక్కో అందమైన మహిళ నుంచి తీసుకున్నట్లు ఆయన తెలిపారు. జెన్నిఫర్‌ లోపేజ్‌ కనుబొమ్మలను, కీరా నైట్లీ కళ్లను తీసుకున్న ఆయన.. ఈ సుందరి ఫొటో కోసం బ్రిటన్‌ యువరాణి కేట్‌ విలియం ముక్కును వాడారు. పెనలోప్‌ క్రూజ్‌ పెదాలతో, చేర్ దవడను, సెలెన్ గోమెజ్ గడ్డన్ని, ఏంజెలిని జోలీ బుగ్గలను ఉపయోగించి ఆయన ఈ పర్ఫెక్ట్ బ్యూటీని రూపొందించాడు. నుదురు ఎంతో బాగుంది కదా అదెవరిదీ అనుకుంటున్నారా.. మిలీ సైరస్‌ది, తళతళలాడుతున్న ఆ చర్మమేమో రిసీ విథర్ స్పూన్‌ది. ఇంత మంది అందగత్తెల కలబోతతో ఓ పర్ఫెక్ట్ ముఖాన్ని తయారు చేసిన జూలియన్ నిజంగా గొప్పోడు కదూ.