స్జేజ్‌పై సాంగ్‌తో ఇరగదీసిన మేఘాలయ సీఎం

ఇది మ్యూజిక్ పవర్ అని చెప్పుకోవాలో లేక ‘ది బీటెల్స్’ శక్తి అని పిలవాలో తెలియదు కానీ మేఘాలయలో ముఖ్యమంత్రిని, ప్రతిపక్ష పార్టీ నేతలను ఒకే వేదికపైకి తీసుకొచ్చింది ఒక పాట. ప్రముఖ మ్యూజిక్ బ్యాండ్ ‘ది బీటెల్స్’ అందించిన క్లాసిక్ సాంగ్ ‘ఆల్ మై లవింగ్’ను స్టేజ్‌పై అద్భుతంగా ఆలపించి అందరినీ ఆశ్చర్యపరిచారు మేఘాలయ సీఎం ముకుల్ సంగ్మా. ఇంకో విశేషం ఏమిటంటే ప్రతిపక్ష నేత డొంకుపర్ రాయ్, యునైటెడ్ డెమోక్రటిక్ పార్టీ ప్రెసిడెంట్ పాల్ లింగ్డో, పార్లమెంటరీ వ్యవహారాల శాఖ మంత్రి ప్రెస్టోన్ తైసంగ్ సీఎంతో శృతి కలిపారు.

సంగ్మా కుమార్తె పెళ్లి వెడుకల్లో భాగంగా ఈ అరుదైన సంఘటన దర్శనమిచ్చింది. సంగ్మా పాట పాడటం ఇది తొలిసారి కాదు. కాలేజ్ డేస్‌లో సంగ్మా ఓ రాక్ బ్యాండ్‌ను కూడా నడిపారు. 2015లో కోల్‌కతాలో మేఘాలయ హౌజ్‌ను ప్రారంభించినప్పుడు కూడా తన స్వరానికి పని చెప్పారు సంగ్మా. మరి తన కూతురు పెళ్లి వేడుకలో పాటను ఎలా ఆలపించారో మీరే చూడండి..