చట్టబద్ధంగా ట్రాన్స్‌జెండర్ల పెళ్లి.. కేరళలో ఇదే ఫస్ట్!

కేరళలో ఇద్దరు ట్రాన్స్‌జెండర్లు మూడు ముళ్ల బంధంతో ఒక్కటయ్యారు. తిరువనంతపురానికి చెందిన 33 ఏళ్ల ఇషాన్ కె షాన్, 31 ఏళ్ల సూర్య గురువారం పెళ్లాడారు. కేరళలో చట్టబద్ధంగా రిజిస్టరయిన తొలి ట్రాన్స్‌జెండర్ వివాహం వీరిదే కావడం గమనార్హం. ఇషాన్, సూర్యలకు ఆరేళ్లుగా పరిచయం ఉంది. చాలా కాలంగా వీరిద్దరూ ట్రాన్స్‌జెండర్ల కమ్యూనిటీ సంక్షేమం కోసం పాటుపడుతున్నారు.

వీరిద్దరూ ఆరు నెలలుగా ప్రేమించుకుంటుండగా.. తల్లిదండ్రుల సమ్మతితో ట్రాన్స్‌జెండర్ కమ్యూనిటీ సభ్యులు వారికి వివాహం జరిపించారు. ఇషాన్ 2015లో లింగమార్పిడి శస్త్రచికిత్స చేయించుకోగా.. సూర్య 2014లో చేయించుకున్నాడు.

టీవీ స్టేజ్ ఆర్టిస్ట్‌గా సూర్య ప్రాచుర్యం పొందారు. తిరువనంతపురంలోని ఎంఎంఎన్‌సీ హాల్లో వీరిద్దరి పెళ్లి జరిగింది. ట్రాన్స్‌జెండర్ కమ్యూనిటీ సభ్యులు డ్యాన్స్‌లు చేస్తూ వీరిద్దర్నీ కల్యాణ మండపంలోకి ఆహ్వానించారు.

Read This Story in Mayalayam

వీరి పెళ్లికి సామాజిక కార్యకర్త జే దేవిక హాజరయ్యారు. సంప్రదాయ బద్ధమైన పెళ్లిళ్లతో పోలిస్తే వీరి పెళ్లిలో ఆచారాలను తక్కువగా పాటించారని ఆమె తెలిపారు.