మిస్ సుప్రానేషనల్ 2016... శ్రీనిధి శెట్టి

అంతర్జాతీయ అందాల పోటీల వేదికపై భారతీయ అందం మెరిసింది. పోటీలో నిలిచిన అనేక దేశాల అందాలను వెనక్కి తోసి టైటిల్ ను సాధించింది. పోలాండ్ లో జరిగిన మిస్ సుప్రా నేషనల్ 2016 పోటీలో మన దేశానికి చెందిన శ్రీనిధి శెట్టి విజేతగా నిలిచింది. వెనెజులాకు చెందిన వలేరియా వెస్పోయిల్ మొదటి రన్నరప్‌గా, సురినేమ్‌కు చెందిన జలీసీ పిగోల్ సెకండర్ రన్నరప్ గా, శ్రీలంక నుంచి వచ్చిన ఓర్నెల్లా మరియం జయసిరి గుణశేఖరే థర్డ్ రన్నరప్ గా నిలిచారు. శ్రీనిధి ఫైనల్ పోటీలో అబూజాని సందీప్ ఖోస్లా డిజైన్ చేసిన గౌనును ధరించింది. 2015లో టైటిల్ గెలిచిన స్టెఫానియా స్టెగ్ మెన్ (పరాగ్వే) కిరీటాన్ని శ్రీనిధి తలపై అలంకరించింది.